बिलिनियर गायिका टेलर स्विफ्टको कन्सर्टमा ३ खर्ब रुपैयाँको कारोबार भएको छ ।
२१ महिना सम्म पाँच महादेशका एक्काइस देशका ५३ शहरमा भएको इराज् टुर कन्सर्टमा २.२ बिलियन अमेरिकी डलरको आर्थिक कारोबार भएको हो । स्विफ्टले अन्तिम कन्सर्ट आइतबार राति क्यानडाको भ्यानकुभरमा गरेकी थिइन् ।
अन्तर्राष्ट्रिय सञ्चार माध्यमका अनुसार उनले करिब दुई वर्षको अन्तरालमा एक करोड भन्दा बढी दर्शक बीच प्रस्तुती दिएकी छिन् । सन् २०२४ मा स्विफ्टको कमाइ १.६ बिलियन अमेरिकी डलर अर्थात दुई खर्ब नेपाली रुपैयाँ पुगेको छ ।
सन् २०२३ मा उनको नेटवर्थ १ अर्ब १० करोड डलर थियो । एकै वर्षमा उनको नेटवर्थमा ५० करोड डलर थपिएको हो । ३४ वर्षीया स्विफ्ट संगीत क्षेत्र बाटै पैसा कमाएर अर्बपति बन्ने पहिलो संगीतकर्मी हुन् ।
सन् २०२३ मा अर्बपति बनेकी उनको गीतहरूको मूल्य नै ८१ अर्ब भन्दा बढी छ । त्यस्तै, टुर र रोयल्टी बाट उनले ८० अर्ब भन्दा बढी कमाएकी छन् । उनी सँग हाल करिब १७ अर्ब बराबरको सम्पती रहेको छ । सन् २०२३ मा फोर्ब्सले उनलाई संसारकै पाँचौँ सबै भन्दा शक्तिशाली महिलाको रुपमा चित्रित गरेको थियो ।
सन् २०२३ मै उनी ‘टाइम पर्सन अप द इयर’ पनि घोषित भएकी थिइन् ।
