राष्ट्रिय स्वतन्त्र पार्टी (रास्वपा) सभापति तथा पूर्वगृहमन्त्री रवि लामिछानेले संस्कृति पर्यटन तथा नागरिक उड्डयन मन्त्री सुदन किरातीले दिएको अभिव्यक्तिबारे प्रधानमन्त्रीलाई ध्यानाकर्षण गराएका छन्।
लामिछानेले सामाजिक सञ्जालमार्फत् संस्कृति मन्त्रीजस्तो पदमा बसेको व्यक्तिले गैरजिम्मेवार अभिव्यक्ति दिने र साम्प्रदायिक विद्वेष फैलाउने अभिव्यक्ति दिन मिल्छरु भन्ने प्रश्न गर्दै प्रधानमन्त्रीलाई किराती अभिव्यक्तिबारे ध्यानाकर्षण गराएका हुन्।
मन्त्री किरातीले दिएको अभिव्यक्ति सामाजिक सद्भाव र सहिष्णुता खलबलाउने प्रकृतिको, उत्तेजनक, गैरजिम्मेवार, पदीय गरिमाविपरीत भएको भन्दै खेद प्रकट गरेका छन्। ‘यस्तो गैरजिम्मेवार अभिव्यक्ति दिने र साम्प्रदायिक विद्वेष फैलाउने व्यक्ति संस्कृति मन्त्रीजस्तो जिम्मेवार पदमा कसरी बस्न मिल्छरु प्रधानमन्त्रीज्यू, गम्भीर ध्यानाकर्षण होस्’, उनले भनेका छन्।
मन्त्री किरातीले बिहीबार काठमाडौँमा आयोजित एक कार्यक्रममा धार्मिक अभिव्यक्ति दिएका थिए।
