पेट स्वस्थ हुँदा मात्र शरीर पनि तन्दुरुस्त रहन्छ । यदि पाचन वा पेटसम्बन्धी कुनै समस्या भयो भने स्वास्थ्यका अन्य समस्या पनि आइलाग्छन् । पछिल्लो समयमा अत्यधिक मात्रामा पेटको समस्याले ग्रसित हुनेहरुको संख्या बढ्दै गइरहेको पाइन्छ । यहाँ घरेलु विधि अपनाएर पेटको समस्या हटाउने उपाययहरुको बारेमा चर्चा गरिएको छ—
– पेटमा पीडा भइरहन्छ भने अलिकति अकबरे खुर्सानीमा सक्खर मिसाएर खाँदा पीडा हट्छ । यदि हटेन भने चिकित्सकको परामर्श लिनुपर्दछ ।
– बिहान पेट सफा भएन भने पेट सफा गर्नका लागि एक चम्चा बेकिङ सोडालाई एक गिलास पानीमा हालेर पिउँदा कब्जियत हट्छ ।
– बिहान उठेर खाली पेटमा पानी पिउनुपर्छ । दिउँसोको खाना खाएपछि लस्सी र राति खानापछि दूध पिउँदा पनि पेट स्वस्थ रहन्छ ।
– पाचन क्रियामा गडबडी हुँदा भोक कम लाग्छ । यस्तो हुँदा काँचै खानमिल्ने सलादहरु बढी खाने रस्र्यूँको तेलमा बनाएको खाना खाने गर्नाले पाचन क्रिया राम्रो बनाइदिन्छ ।
– पेटमा एसिड बन्ने कुराहरू मसलायुक्त भोजन, अमिलो फल, सोडा, रक्सी, कफी र चियाको बिहान सेवन बिहान नगर्नु राम्रो हुन्छ ।
– अमला पेटका लागि रामवाण हो । एक कप पानीमा दुई चम्चा अमलाको रस हालेर दैनिक पिउनाले शरीरमा रहेका विषालु तत्व पनि निस्केर जान्छन् अनि पेट स्वस्थ रहन्छ ।
– भोजनमा टुसा उम्रेको अनाज, फल र जुस जस्ता फाइबरयुक्त खानेकुरा समावेश गर्नाले शरीरलाई पोषक तत्व पनि दिन्छन् र पेट पनि सफा राख्छन् । यस्ता खाना खाँदा मोटोपन पनि कम हुन्छ ।
