तिब्बती विद्वान र कार्यकर्ता डा. ग्याल लो ले लक्जेम्बर्गमा एक अन्तर्वार्तामा तिब्बत र चीनमा लकडाउन विरोधी प्रदर्शन तिब्बत र अन्य अल्पसंख्यक समूहहरूलाई केन्द्रमा राख्ने र सरकारी नीतिहरूले कसरी दशकौंदेखि उनीहरूको अधिकार हनन भइरहेको छ भनेर छलफल गर्ने अवसर भएको बताएका छन् । बिहीबार बेइजिङमा चिनियाँ राष्ट्रपति सी चिनफिङसँग ईयू परिषद्का अध्यक्ष चाल्र्स मिशेलले भेटेको घटनाको पृष्ठभूमिमा पश्चिमी र युरोपेली देशहरूले चीनलाई मानव अधिकारको रेकर्डमा दबाब दिन थप ऐक्यबद्धता देखाउनुपर्ने लो ले बताए।
यदि हामीले चीनमाथि दबाब बढाएनौं भने अब चाँही चीनले जित्ने गरि खेल समाप्त हुन गइरहेको छ, डाक्टर लो ले बताए । शिक्षाविद्बाट कार्यकर्ता बनेका ड. ग्याल लो तिब्बत एक्शन इन्स्टिच्युटको प्रतिवेदनका स्रोतहरू मध्ये एक थिए जस अनुसार ८०,००० भन्दा बढी बालबालिकाहरूलाई तिब्बती भाषा शिक्षाबाट रोक लगाइएकोबोर्डिङ स्कूलहरूमा भाग लिन बाध्य पारिएको थियो ।
दमनकारी विद्यालय प्रणालीको प्रभावको प्रत्यक्षदर्शी, उनी डिसेम्बर २०२० मा चीनबाट भागेका थिए र त्यसपछि क्यानाडामा शरण लिएका थिए। चिनियाँ जनता र अल्पसंख्यक तिव्वती जनताले एउटै चुनौती, एउटै तानाशाही तर फरक तरिकाले सामना गरिरहेका छन्। चीनको पार्टीलाई उल्ट्याउन चिनियाँ जनता उठ्नुपर्छ उनले युरोपेली मुलुकलाई चीनलाई हरेक मोर्चामा प्रश्न गर्न आग्रह गर्दै भने ।
