के तपाईँले याद गर्नुभएको छ फोनको ओरिजिनल चार्जर दुई वटा रङमा मात्रै पाइन्छन् ।
यदि तपाईँ लोकल चार्जर किन्नुहुन्छ भने चार्जरमा पनि रङका विकल्पहरू पाउन सक्नुहुन्छ । तर ओरिजिनल चार्जरको हकमा सेतो वा कालो रङमा मात्रै पाइन्छन् ।
तर किन यस्तो हुन्छ ? यसको पछाडि केही विशेष कारणहरू हुन्छन् ।
स्मार्टफोनका चार्जरहरू बनाउने कम्पनीहरूले रङको हिसाबले सेतो र कालो मात्रको विकल्प राख्छन् । किनकि यी दुवै रङहरूमा चार्जर बनाउँदा लागत कम आउँछ र राम्रो टिकाउपन पाइन्छ ।
स्मार्टफोनका चार्जरहरू कालो रङको हुनुको कारण यो रङ अन्य रङहरूको तुलनामा तातोलाई राम्रोसँग सोस्न सक्छ । कालो रङ किफायती हुनुका साथै सबैभन्दा राम्रो उत्सर्जक पनि मानिन्छ ।
त्यसमा पनि अहिले त स्मार्टफोनका चार्जरहरू सेतो रङमा बढी पाइन्छन् । सेतो रङले दुवै काम गर्छ, सेतो रंग गर्मी कम गर्नमा सहयोगी मात्र होइन, रातमा पनि सजिलै देखिने गर्छ।
त्यसैले अहिले धेरैजसो स्मार्टफोन कम्पनीले आफ्नो स्मार्टफोनमा सेतो रंगको चार्जर दिन थालेका छन्। कम्पनीहरूले किन यस्तो गर्छन् त, धेरैलाई लाग्छ कि कम्पनीहरूले आफ्नो पैसा बचाउनको लागि यो गर्छन, तर वास्तवमा कम्पनीले आफ्नो नभई यो तपाइँको पैसा बचाउनको लागि गर्छन।
