सपनाले वास्तविक जीवनका धेरै पक्षबारे जानकारी दिन्छ । कहिले राम्रा सपना देखिन्छन् त कहिले कहिलेकाहीँ नराम्रा सपना देखिन्छन् । धर्मशास्त्रहरुमा उल्लेख गरिए अनुसार यदि त्यस्ता नराम्रा सपनाको दोष कट्टा गर्नु परेमा केही विधि अपनाउनु जरूरी हुन्छ —
१. खराब सपना देखेर व्युँझियो भने फेरि तुरुन्तै निदाउनाले उक्त सपनाको असर समाप्त हुन्छ ।
२. अत्यन्तै खराब सपना देखे निम्न श्लोक तीन पटक वा यथाशक्य जप गरे खराब सपनाको फल नष्ट हुन्छ ।
बिष्णु नारायणं कृष्णंः माधवं मधुसुदनमं
हरि नरहरि राम गोविन्द दधिवामनमं ।।
३. भगवान बिष्णुको निम्न आठ नामहरु बिहानको नित्यकर्म सकेर पूर्वतर्फ फर्केर भक्तिपूर्वक स्मरण गरे खराब सपनाको प्रभाव नष्ट हुन्छ ।
अच्युतं, केशवं, बिष्णुं, हरि सत्यं जनार्दनमां ।
हंसं, नारायणञ्चैव एतन्नामाठटकं शुभम ।।
४. निम्न मन्त्रको जप दश पटक गर्नाले खराब सपनाको प्रभाव नष्ट हुने कुरा शास्त्रोक्त विधानमा बताइएको छ —
ॐ हीं त्रीं पूर्व दुर्गतिनाशिन्यैमहामायायै स्वाहा ।
५. खराब सपनाको अशुभ फल नाश गर्न विहानै उठेर स्नान आदि गरी भगवानको प्रार्थना स्मरण र यथाशक्य दान गर्नु उपयोगी हुन्छ ।
