अमेरिका विश्वको सबैभन्दा लोकप्रिय पर्यटक गन्तव्य स्थानमा पर्छ । तर पछिल्ला महिनाहरूमा अमेरिकामा विदेशी पर्यटकको संख्या घट्न थालेको छ । राजनीतिक वातावरण, बढ्दो शुल्क र ट्राभल नीतिमा आएको परिवर्तन नै यो घट्नुको प्रमुख कारण रहेको विज्ञहरू बताउँछन् । पर्यटकको संख्या घटेसँगै आगामी वर्ष मात्र अमेरिकामा १८ अर्व डलर भन्दा बढी घाटा हुने प्रक्षपण गरिएको छ ।
राजनीतिक वातावरण, बढ्दो शुल्क र ट्राभल नीतिमा आएको परिवर्तन नै यो घट्नुको प्रमुख कारण रहेको विज्ञहरू बताउँछन् । अमेरिकाले सन २०२३ मा ६६.५ मिलियन पर्यटकलाई स्वागत गरेको थियो । त्यसैगरी २०२४ मा त्योभन्दा बढी संख्यामा आउने अपेक्षा गरिएको थियो । तर ‘टुरिज्म इकोनोमिक्स’को प्रतिवेदनअनुसार यो वर्ष पर्यटकको संख्या ५.५ प्रतिशतले घट्न सक्छ । यो घाटा सन २०२५ मा १८ अर्ब अमेरिकी डलर पुग्न सक्छ ।
भर्खरै अमेरिकाले धेरै क्यानाडाली सामानहरूमा २५ प्रतिशत ट्यारिफ लगाएको छ, जसले गर्दा क्यानाडाली पर्यटकहरूको संख्या ४५ प्रतिशतले घटेको छ । एयर क्यानडाले पनि मागको अभावमा अमेरिकाका केही रुटमा उडान रद्द गरेको छ । एक सर्वेक्षण अनुसार ३६ प्रतिशत क्यानाडाली पर्यटकले अमेरिकाको यात्रा रद्द गरेका छन् । कतिपय विदेशी पर्यटकले भ्रमण रद्द गर्नुको कारण अमेरिकाको राजनीतिक वातावरण रहेको बताएका छन् । ट्रम्प प्रशासनको नीति र बयानले युरोपमा पनि अमेरिकाको छविलाई असर गरेको छ । बेलायत, जर्मनी, स्वीडेन र डेनमार्क जस्ता देशहरूमा अहिले ५० प्रतिशत भन्दा बढी मानिसले अमेरिकालाई नकारात्मक रूपमा हेर्न थालेका छन् ।
अमेरिकामा आउने पर्यटक घट्दा बर्मुडा, युरोपलगायतका देशले भने फाइदा उठाइरहेका छन् । क्यानाडाली पर्यटकहरू अहिले बर्मुडा र युरोपतिर गइरहेका छन, जसका कारण त्यहाँ पर्यटन राजस्व बढ्दै गएको छ । ब्राजिल, टर्की र कोलम्बिया जस्ता देशका पर्यटकले अमेरिकी भिसाका लागि ७ सय दिनसम्म कुर्नुपर्ने हुन सक्छ । यसले सन् २०२६ मा अमेरिकामा हुने फिफा विश्वकप र २०२८ को ओलम्पिक खेलमा पनि असर पार्न सक्छ । तर, अमेरिकी अधिकारीहरुले पर्यटन प्रवद्र्धनका लागि कदम चालेको बताएका छन् ।
