विगत पाँच महिनाको अवधिमा छ लाख ३२ हजार भन्दा बढी अफगानी शरणार्थीहरु इरानबाट स्वदेश फर्केको शरणार्थीका लागि संयुक्त राष्ट्र उच्चायुक्तका प्रवक्ता फरामर्ज बर्जिनले बताउनु भएको छ ।
चालु वर्षको जनवरी देखि मे सम्ममा उनीहरू इरानबाट अफगानिस्तान फर्केको बताउदै अप्रिल–१ देखि हरेक दिन औसत पाँच हजार ५०० मानिस इरानबाट फर्किरहेको स्थानीय सञ्चार माध्यम टोलोन्युजले बर्जिनलाई उद्धृत गर्दै जनाएको छ ।
स्थानीय मिडियाका अनुसार इरानबाट फर्केका शरणार्थीहरूले अफगान अन्तरिम सरकारबाट आवश्यक सहयोग र उचित बसोबासको सुबिधा पाइरहेका छन् ।
