दूध र बेसारकोे मिश्रण स्वास्थ्यवद्र्धक हुन्छ । त्यसैले सुत्नुअघि नियमित रुपमा बेसार मिश्रित दूध पिउनु राम्रो मानिन्छ । यसले शरीरको विषाक्त पदार्थ प्राकृतिक तरिकाले हटाउने, पाचन प्रणालीलाई चुस्त राख्छ, यसमा क्याल्सियम हुने भएकाले हड्डी बलियो बनाउँछ, अपच हुन दिँदैन, अनिन्द्रा हटाउनमा मद्दत गर्छ ।
तर दूधमा बेसार हालेर सेवन गर्दा यसमा रगतलाई पातलो बनाउने गुण पनि हुन्छ । जसले गर्दा सबैका लागि दूध र बेसारको मिश्रण उपयोगी हुँदैन । कतिपय स्वास्थ्य समस्यामा त यसले थप जटिलता समेत ल्याउन सक्छ । कस्तो अवस्थामा बेसार र दूध मिसाएर पिउनु हुँदैन त ?
१. यदि कसैले रगत पातलो बनाउने औषधी सेवन गरिरहेका छन् भने बेसार र दुधमा रगत पातलो बनाउने गुण हुने हुँदा उनीहरुको रगत थप पातलो हुन्छ । त्यसले समस्या पैदा गर्न सक्छ ।
२. पित्ताशयको समस्या हुनेहरुले दुध र बेसार सेवन गर्नु हुँदैन । किनभने यसले पित्तशैलीको समस्या थप बढाउँछ ।
३. शल्यक्रिया गरेका व्यक्तिले दुध र बेसार पिउँदा रक्तश्राव हुने संभावना हुन्छ ।
४. बेसार मिसाएको दुध पिउँदा कलेजोमा बढी दबाव पर्छ । त्यसैले कलेजोको समस्या भएकालाई यसले थप समस्यामा पार्न सक्छ ।
५. मासिक श्राव भएको बेला वा गर्भवती भएको अवस्थामा बेसार र दुध सेवन गर्दा रक्तश्राव हुने भय हुन्छ ।
६. ग्याष्ट्रिक वा एसिडिटीको समस्या हुनेहरुको लागि दुध र बेसारको मिश्रण उपयोगी हुँदैन । यसले उनीहरुमा थप समस्या पैदा गर्न सक्छ ।
७. बेसार र दुधको मिश्रण सेवन गर्दा छाला रुखो एवं सुख्खा हुन्छ । त्यसैले छालाको समस्या भएकाहरुलाई यसले थप समस्यामा पार्न सक्छ ।
