नेपालमा आएर अपराध गर्ने विदेशी मध्य सबैभन्दा बढी चिनियाँ नागरिक रहेको तथ्य खुलेको छ । प्रहरी प्रधान कार्यालयको तथ्याङ्क अनुसार आर्थिक वर्ष २०७५/७६ देखि २०७९/८० सम्म ५ वर्षको अवधिमा नेपाल आएर विभिन्न अपराधमा संलग्न ३३२ जना पक्राउ परेका छन् । ती मध्य १०० जना चिनियाँ नागरिक छन् । चीन बाहेक बंगलादेश, पाकिस्तान, अमेरिका, फ्रान्स, रसियालगायत विभिन्न देशका नागरिकहरु नेपाल आएर अपराध गर्ने गरेको पाइएको छ ।
प्रहरी प्रवक्ता डीआईजी भिमप्रसाद ढकालमा अनुसार, पक्राउ परेका विदेशीहरुलाई ज्यान मार्ने उद्योग देखि बहुविवाह सम्मको अभियोग छ । डीआईजी ढकाल भन्छन्, ‘नेपालमा अपराध गर्ने विदेशी नागरिकको संख्या बढीरहेको छ, पछिल्लो ५ वर्षमा हाम्रोमा आएको तथ्याङ्क हेर्दा नेपालआएर विभिन्न अपराधमा संलग्न हुने विदेशीमध्य सबैभन्दा बढी चिनियाँ नागरिक रहेका छन् ।’ प्रहरीका अनुसार लागुऔषध कारोबार, ठगि, मानव बेचबिखन एवं जघन्य अपराधमा समेत चिनियाँ नागरिकहरुको संलग्नता देखिएको छ ।
विशेष गरी पर्यटक भिसाको अवरणमा आउने विदेशीहरु यस्ता अपराधमा संलग्न रहेको पाईएको छ । भिजिट भिसामा आएर म्याद सकिदा सम्म बस्ने, राहदानी लुगाउने लगायतका बहानाबाजी गरी उनीहरु नेपालमा बस्ने गरेका छन् । यसरी बस्ने ३ हजार ५ सय ७७ विदेशी पछिल्लो ७ वर्षमा निष्काशित भएका छन् । अध्यागमन विभागका अनुसार सन् २०२३ मा मात्रै ४ सय ५९ जना विदेशी नागरिकलाई निष्काशन गरिएको हो ।
यसरी आउने विदेशीहरु भन्सार छली, कल वाईपास, अनलाईनज ठगी लगायतका अपराधमा समेत संलग्न रहेको पाईएको छ । खुल्ला सिमाना, कानुनको कमजोर कार्यान्वयन, उदार भिसा नीतिका कारण विदेशीले नेपाललाई अपराधको थलो बनाएको सुरक्षाविद्को तर्क छ । उनीहरुलाई राजनीतिक नेतृत्वले समेत सहयोग गर्दा आवात जावतमा सहज भएको उनीहरुको तर्क छ । देशैभरीको कारागारमा १४ सय १२ जना विदेशी कैदीबन्दी छन् । ति मध्य धेरैजसो चिनियाँ नागरिक रहेका छन् ।
