बच्चाहरुलाई अक्सर खाना खुवाउन निकै गाह्रो हुन्छ । यस्तो अवस्थामा उनीहरुको खानामा पौष्टिकताको सही तालमेल मिलाउनु आवश्यक हुन्छ । खानाको सही तालमेल मिलाइएन भने बच्चालाई पोषण पुग्दैन, जसबाट उनीहरुको वृद्धिसमेत प्रभावित हुने सम्भावना हुन्छ । त्यसैले बच्चालाई सन्तुलित आहार दिने टिप्सका बारेमा यहाँ चर्चा गरिएको छ—
बच्चालाई सन्तुलित आहार दिने टिप्स
– बच्चालाई जंकफुडभन्दा पौष्टिक खाना खुवाउने बानी गर्नुपर्छ ।
– बच्चालाई सन्तुलित आहारा अन्तर्गत हरेक दिन ५ अलग अलग पौष्टिक खाद्यपदार्थ दिनुपर्छ ।
– बच्चालाई खुवाउन बल प्रयोग नगरी मायाले सम्झाएर खुवाउनुपर्छ ।
– बच्चाको खानामा सलाद, काँचो फल र तरकारी काटेर दिन सकिन्छ, जुन उनीहरुलाई आकर्षक लागोस् ।
– बच्चालाई खेल्ने छुट दिनुपर्छ । जति धेरै खेल्यो उनीहरुलाई बढी भोक लाग्छ र बढी खान्छन् ।
