काठमाडौं । बलिउड एवम हलिउड नायीका प्रियंका चोपडा आफ्नो अभिव्यक्तीका कारण हाल निकै चर्चामा रहेकी छिन् । उनले आफू बलिउड छोडेर हलिउड गएको विषयलाई लिएर दिएकी बयानले उनलाई चर्चामा तानेको हो ।
प्रियंकाले बलिउडमा फोहोरी राजनीति भएको खुलासा गरेकी थिइन् । सोही फोहोरी राजनीतिको सिकार आफु भएको पनि उनले बताएकी थिइन् ।
हालैको एक अन्तर्वार्तामा प्रियंका चोपडाले बलिउडमा आफ्नो करियर छोडेर हलिउडतिर लाग्ने कुरा खुलेर बताइन् । उनले बलिउडमा आफूले चाहेको काम नपाएको र राजनीतिबाट दिक्क भएको खुलासा गरेकी छन् ।
अभिनेत्रीको यो खुलासापछि उनको समर्थनमा धेरै सेलेब्स आएका छन् । एकातिर कंगना रनौतले सामाजिक सञ्जालमा प्रियंकाको भनाइको समर्थन गरेकी छिन् । यसैबीच,प्रियंकाकी कजिन मीरा चोपडाले पनि उनलाई साथ दिएकी छिन् । मीरा चोपडाले प्रियंकाको भनाइलाई ट्वीटमार्फत समर्थन गरेकी हुन् ।
प्रियंका चोपडाले सन् २०१५ मा टिभी शृंखला क्वान्टिकोबाट हलिउडमा डेब्यु गरेकी थिइन्, जुन निकै हिट भयो। त्यसपछि उनी म्युजिक भिडियोमा देखिइन् । त्यसपछि उनले चलचित्रमा अभिनय गरिन् । यसैबीच, अब प्रियंका ‘लभ अगेन’ र ‘सिटाडेल’मा देखिँदैछिन् ।
