आज २०८२ साल साउन २८ गते बुधबारको राशिफल
मेषः दिन सामान्य छ। काम गर्दा सचेत बन्नुपर्ने छ। व्यापारमा लगानी डुब्ने जोखिम छ। विरोधी सक्रिय भएकाले बोल्दा सचेत बन्नुपर्ने दिन छ। शिक्षामा ढिलासुस्ती हुनेछ। पश्चिमको यात्रा नगर्नु उचित हुन्छ।
वृषः दिन राम्रो छ। व्यापारमा गरेको लगानीबाट लाभ हुनेछ। साथीको साथ मिल्नेछ। स्वास्थ्य र शिक्षामा गरेको प्रयास सफल बन्नेछ। विदेशमा गरेको लगानीबाट आम्दानी बढ्नेछ।
मिथुनः दिन सामान्य छ। बोलीकै कारण साथी टाढा पुग्नेछन्। आफ्नो मूल्यांकन गर्न नजान्दा खटपटी बढ्नेछ। धार्मिक व्यक्तिसँगको भेटले मन शान्त हुनेछ। शिक्षाको क्षेत्रमा मिहिनेतको फल प्राप्त होला।
कर्कटः दिन राम्रो छ। शिक्षाको लगानीमा नाफा हुनेछ। परीक्षा लेखेको भए राम्रो नतिजा प्राप्त हुनेछ। स्वास्थ्यमा सुधार हुनेछ। राजनीतिमा सक्रिय हुनुहुन्छ भने महत्त्वपूर्ण जिम्मेवारी प्राप्त हुनेछ। प्रेम सम्बन्ध सुमधुर बन्नेछ।
सिंहः दिन सामान्य छ। मनमा चिन्ता बढ्ने जोखिम छ। काममा अवरोध सिर्जना हुनेछ। धार्मिक कार्यमा सहभागी भएर दिनको सुरुवात गर्नु राम्रो हुन्छ। हरेक क्षेत्रमा सफलताका लागि थप मिहिनेत गर्नुपर्ने दिन छ।
कन्याः दिन राम्रो छ। गुम्न लागेको धन प्राप्त हुनेछ। परिवारको साथमा महत्त्वपूर्ण काम बन्नेछ। साथीको साथले राजनीतिमा बढुवा हुने योग छ। राज्यको काममा नाफा आर्जन गर्ने समय छ। प्रेम सम्बन्ध सुमधुर बन्नेछ।
तुलाः दिन सामान्य छ। ठग सक्रिय भएकाले व्यवहार गर्दा सचेत बन्नुपर्ने छ। शिक्षा र स्वास्थ्यमा सुधार हुनेछ। राजनीतिक क्षेत्रमा घेराबन्दी हुने जोखिम छ। आर्थिक क्षेत्रमा भने तपाईंले गरेको मिहिनेतको फल प्राप्त हुनेछ।
वृश्चिकः दिन राम्रो छ। पढाइ र प्रेममा सफलता प्राप्त हुनेछ। मन प्रशन्न रहनेछ। रचनात्मक कलामा मन जानेछ। सन्तानबाट सन्तुष्टि प्राप्त हुनेछ। परिवारमा कर्तव्य मात्र पूरा गर्नु उचित हुन्छ।
धनुः दिन सामान्य छ। मन अशान्त रहनेछ। परिवारभित्र विवाद बढ्नेछ। राज्यको निगरानी रहेकाले हरेक काममा सचेत बन्नुपर्ने छ। धार्मिक कार्यमा सहभागी भएर दिनको सुरुवात गर्नु उचित हुन्छ।
मकरः दिन राम्रो छ। सहकर्मीसँगको सहकार्यले नाफा हुनेछ। मनमा सुख र सन्तोष प्राप्त हुनेछ। स्वास्थ्यमा सुधार हुने योग छ। विपक्षीमाथि विजय प्राप्त गर्ने योग छ।
कुम्भः दिन राम्रो छ। आज तपाईंको बोलीको प्रभावले काम बन्नेछ। बोलीलाई परोपकारमा प्रयोग गर्नु उचित हुन्छ। बौद्धिक व्यक्तिसँग भेट हुनेछ। संकटमा परिवारको साथ मिल्नेछ। सोचेको काम सहजै बन्ने योग छ।
मीनः दिन राम्रो छ। बोलीमा भने नम्रता आवश्यक देखिन्छ। स्वास्थ्यमा देखिएको सुधारका लागि धार्मिक कार्यमा सहभागी हुनुपर्ने देखिन्छ। शिक्षा र राजनीतिक क्षेत्रमा सफलता मिल्नेछ।
– ज्योतिष पण्डित सूर्यनाथ लुइटेल
