काठमाडौं- धादिङस्थित त्रिशूली नदीले बगाएर ल्याएका दुईजनाको शव मंगलबार फेला परेको छ।
जिल्ला प्रहरी कार्यालय धादिङका सूचना अधिकारी डीएसपी सुवास हमालका अनुसार गल्छी गाउँपालिका–२ केउरेनीटार र गजुरी गाउँपालिका–६ बेल्खुमा दुई जनाको शव भेटिएको हो ।
शवको अवस्था हेर्दा उनीहरूको मृत्यु तत्काल भएको हुनसक्ने अनुमान प्रहरीले गरेको छ । ती शव रसुवास्थित भोटेकोशीमा आएको बाढीसँगै बगेर आएको हुन सक्ने अनुमान छ ।
उता धादिङको बेनिघाट रोराङ गाउँपालिका-७स्थित चरौँदीमा शव जलाइरहेको चिता नै त्रिशूलीले बगाएको छ ।
शव जलाइरहेका बेला बाढीले चितासहि बगाएको वडाध्यक्ष कुमार बस्नेतले जानकारी दिए । बस्नेतका अनुसार जलाउँदै गर्दा बगाएको वेनिघाट रोराङ गाउँपालिकाका अध्यक्ष कृष्णबहादुर थपलियाका आफन्त रहेको खुलेको छ ।
