पोखरा, १३ माघ । भारतको अयोध्यामा त्यहाँका हिन्दू समुदायले ठूलो धनराशि खर्च गरेर रामलला मन्दिर निर्माण गर्नका लागि बिहीबार गण्डकी प्रदेशको म्याग्दीस्थित गलेश्वर धाम छेउकै कालीगण्डकी नदीबाट शिला उपहार लिएर भारतीय गुरुहरु अयोध्या प्रस्तान गरेका छन् ।
भारतको सर्वोच्च अदालतले रामलला मन्दिर निर्माण गर्न अनुमतिको फैसला गरेपछि त्यहाँका हिन्दूहरु वृहत रुपमा राललला र सीताको मन्दिर बनाउन कम्मर कसेर लागेका छन् । शिला लिन म्याग्दीको गलेश्वर धाम पुग्नु भएका भारतीय हिन्दू धर्मका गुरु राजेन्द्रसिंह पंकजले भारतमा बस्ने हिन्दूले श्रद्धापूर्वक मान्ने मुक्तिनाथ र त्यहीँबाट उत्पन्न पबित्र कालीगण्डकीको शिलाबाट भारतको अयोध्याम बनाइने रामलला र सीताको प्रतिमाले दुई देशको धार्मिक सम्बन्धलाई थप प्रगाढ बनाउने विश्वास व्यक्त गर्नुभएको छ ।
भारतीय हिन्दूबीच प्रसिद्ध मानिने भगवान् रामलला र सीताको मूर्ति बनाउनकै लागि नेपालको पबित्र तीर्थस्थल गलेश्वरको कालिण्डकीबाट शिला उपहार पाएका छौँ, नेपाल र भारतको सांस्कृतिक सम्वन्ध प्रगाढ बनाउन शिलाले धर्मदूतको रुपमा काम गर्ने विश्वास उहाँले व्यक्त गर्नुभएको छ ।
विश्वमै दुर्लभ शालीग्राम पाइने कालीगण्डकी नदीको २ थान शिला गलेश्वरबाट पोखराको विन्ध्यवासिनी, चितवनको देवघाट, जनकपुरधामहुँदै हिन्दूहरुको पवित्र धार्मिक स्थल भारतको अयोध्या पु¥याइने जानकारी मूर्ति उपहारको संयोजन गर्दै आउनुभएका काँग्रेस नेता बिमलेन्द्र निधीले बताउनुभयो । अयोध्याम रहेका करोडौं हिन्दू समुदायले मूर्तिका लागि लगिएको स्थल नेपालको कालीगण्डकी र गलेश्वरधाम अनन्तकालसम्म सम्झिरहने र नेपालको गण्डकी प्रदेशमा त्यहाँका हिन्दूहरु दर्शनका लागि भीड लाग्ने विश्वास निधीको छ ।
नेपाल पर्यटन बोर्ड गण्डकी प्रदेश कार्यालय पोखराका प्रमुख काशीराज भण्डारीले भारतीय हिन्दूधर्मालम्बीहरु नेपालका मुक्तिनाथ बाबाको दर्शन नगरेसम्म स्वर्ग पुगिँदैन भन्ने मान्यता कायमै रहेकाले मुक्तिनाथ क्षेत्रकाने पबित्र कालीगण्डकीको शिलाबाट भारतको अयोध्याम बन्न लागेको रामलला र सीताको मूर्तिलेले नेपालको गण्डकी प्रदेशमा विशेष सम्बन्ध राख्ने भएकाले यहाँ आउने धार्मिक पर्यटकको संख्या अब ह्वात्तै वढ्ने बताउनुभयो ।
अब नेपालका धार्मिक पर्यटक भारतको अयोध्या र भारतको अयोध्याका करोडौं धर्मालम्बीहरु नेपाल आउने विश्वास भण्डारीले छ । नेपालको कालीगण्डकीबाट अयोध्या लगिएको शिलाको बारेमा भारतीय मिडियाले पनि प्रचारप्रसार र कालीगण्डकी र मुक्तिनाथ बाबाको महत्वका बारेमा चर्चा गर्ने भएकाले गण्डकी प्रदेशको यो क्षेत्रमा धार्मिक पर्यटनले व्यापकता पाउनुको साथै यहाँको पर्यटन क्षेत्रलाई समेत सहयोग पुग्ने भनाई भण्डारीको छ ।
गण्डकी प्रदेशकी सांसद तथा म्याग्दीको बेनीमा होटल व्यवसाय संचालन गर्दै आउनुभएकी बिमला शेरचनले हिन्दूहरुको पबित्र स्थल मुक्तिनाथ र गलेश्वर धाममा भारतीय पर्यटक बढ्दा यहाँको आर्मिक तथा होटल व्यवसायमा समेत सहयोग पुग्नुको साथै यहाँका मानिसहरुको जीवनस्तरमा सुधार आउने विश्वास व्यक्त गर्नुभयो ।
भूगर्भ तथा शिलाविद्, प्राविधिक र विज्ञसमेतको टोलीले बेनी नगरपालिका–६ ठूलो पहिरो स्थित कालीगण्डकीमा दुई थान शिला पहिचान गरेको थियो । धेरै वर्ष टिक्ने शिला पहिचान गरेर २६ टन र १४ टनका दुई थान शिलालाई बेनी नगरपालिकाले गण्डकी प्रदेश सरकार र गण्डकी प्रदेश सरकारले विहीबार नै २ नम्वर प्रदेशको जानकी मन्दिरलाई हस्तान्तरण गरेको छ भने जानकी मन्दिरले १६ गते अध्योध्यालाई हस्तान्तरण गर्ने छ ।
शिला विहीबार बिहान गलेश्वर शिवालय मन्दिर परिरसरबाट गण्डकी प्रदेशसभा सदस्य हरि भण्डारी, बेनी नगरपालिका मेयर सुरत केसी र गलेश्वर मन्दिरका अध्यक्ष माधवप्रसाद रेग्मीले विधिवत् पूजाआजा गरेर बाजागाजा र भजनसहित हस्तान्तरण गर्दैे शोभायात्रा माफर्त बजार परिक्रक्रमा गराएर अयोध्यातर्फ प्रस्थान गराउनुभएको थियो ।
बुधबार क्रेनबाट दूई शिलालाई ट्रकमा राखेर प्रसिद्ध धार्मिक स्थल गलेश्वर धाममा राखिएको थियो । गण्डकी प्रदेशका मुख्यमन्त्री खगराज अधिकारीले कालीगण्डकी नदीको पबित्र शिला हिन्दूहरुको धार्मिक स्थल भारतको अयोध्यामा निर्माणाधीन रामललाको मूर्ति कुद्नका लागि हस्तान्तरण गर्दा नेपाल र भारतको धार्मिक तथा सांस्कृतिक सम्बन्ध अनन्त कालसम्म रहिरहने बताउनुभएको छ ।
