पोखरा, १ मंसिर । गण्डकी प्रदेशका निवर्तमान भौतिक पूर्वाधार, शहरी विकास तथा यातायात व्यवस्था मन्त्री कुमार खड्काले मुख्यमन्त्री कृष्णचन्द्र नेपाली पोखरेलबारे सनसनीपूर्ण अडियो सार्वजनिक गर्ने धम्की दिएका छन् । मंगलबार बर्खास्त भएका निवर्तमान मन्त्री खड्काले बुधबार पोखरामा पत्रकार सम्मेलन गरी आफूलाई हटाइनुको कारण नभने मंसिर चार गतेको निर्वाचन सम्पन्न भए लगत्तै त्यस्तो अडियो सार्वजनिक गर्ने धम्की उनले दिएका हुन् ।
मुख्यमन्त्री पोखरेलसँग पछिल्लो समय गण्डकी प्रदेशका पूर्वपदाधिकारीलाई सुबिधा दिनका लागि गाडी खरिद र उहाँको जिल्ला स्थित माइतिघाट झोलुंगे पुल निर्माण गर्न एक सय करोड रुपैयाँ बजेट छुट्याएपछि त्यसको बिरोध गर्दा उहाँसँग मतभेद भएको थियो निवर्तमान मन्त्री खड्काले भन्नुभयो– नेपाली काँग्रेस केन्द्रीय समितिको निर्णय नभई मलार्इृ हटाउनुको कारण मुख्यमन्त्री नै हुन सक्ने आशंका गरेको छु ।
मन्त्रीपदबाट बर्खास्त गरेपनि आफू नेपाली काँग्रेस पार्टीको आजीवन सदस्य रहने भनाई उनको छ । आफ्नो क्षेत्र कास्की २ (२) मा प्रदेश सभा सदस्यका उम्मेदवार बिन्दुकुमार थापालाई कुनै असहयोग नगरेको र बहालवाला मन्त्री निर्वाचन प्रचारमा जान निर्वाचन आचार संहिताले नदिने भनाई उहाँको छ । घरबाट साथीभाइलाई टेलिफोन मार्फत भोट माग्ने काम गरेको थिए, उनले भने ढाडको बिरामी भएकाले पनि व्यक्तिगत रुपमा प्रचारमा जान नसकेको भनाई उनको छ । बिन्दु थापा मात्र हैन मेरा अनन्य मित्रहरुको निर्वाचन प्रचार प्रसारमा समेत जान नसकेको भनाई उनको थियो ।
आफू मन्त्री भएकै समयमा काँहुखोला– सिक्लेस, अर्मला–आँटिघर –मौजा लगायत सडकमा ठूलो रकम विनियोजन गरेको र हन्य निर्माणको कार्यमा प्रसस्त रकम बिनियोजन गरेको भनाई उहाँको छ । कानून मन्त्री बनेका बिन्दुकुमार थापालाई छुट्याइदिएको बजेट उहाँले आफ्नो निर्वाचन क्षेत्रमा खर्च नगरी निर्वाचन क्षेत्र नं १ र ३ मा लगेर हाल्नु भएको आरोप उहाँको छ । विन्दुले जनताको हित भन्दा पनि आफ्नो स्वार्थ हेरेर सडकमा रकम विनियोजन गर्नुभयो ।
