काठमडौंँ । हमासले शनिबार ६ जना इसराइली बन्धकलाई मुक्त गर्ने भएको छ। यस सम्झौताअनुसार, इसराइलले ६०२ प्यालेस्टिनी कैदीहरूलाई जेलमुक्त गर्नेछ।
सूचना अनुसार, ६ जना बन्धकहरूको नाम हमासले शुक्रबार नै इसराइललाई पठाइसकेको छ। मुक्त हुने बन्धकहरूमा ३७ वर्षका अवेरा मेंगिस्तु, ३७ वर्षकै हिशाम अल सैयद, ३९ वर्षका तल शोहम, २७ वर्षका एलिया कोहेन, २३ वर्षका ओमर वेंकर्ट र २२ वर्षका ओमर शेम-तोभ समावेश छन्।
अवेरा र हिशाम २०१४ देखि हमासको नियन्त्रणमा थिए। उनीहरू गजा क्षेत्रमा समुद्र तटबाट प्रवेश गर्दा हमासले तिनीहरूलाई बन्धक बनाएको थियो। भने, बाँकी चार जना २०२३ को अक्टोबर ७ मा भएको इसराइलमाथि हमासको आक्रमणको क्रममा बन्धक बनेका थिए। यी चारै जना एउटै परिवारका सदस्य छन् र सुपरनोभा फेस्टिवलबाट अपहरण गरिएको थियो।
यस सम्झौताअनुसार, हमासले ६ जना बन्धक छोडेको बदला इसराइलले ६०२ प्यालेस्टिनी कैदीलाई मुक्त गर्नेछ। यसअघि, हमासले २६ जना इसराइली बन्धक र इसराइलले १०९९ प्यालेस्टिनी कैदीलाई मुक्त गरेको थियो।
बिहीबार, हमासले चार जना इसराइली बन्धकको शव पनि हस्तान्तरण गरेको थियो। तर, एक शवको पहिचान मिलेन, जसले युद्धविरामको बीचमा तनाव उत्पन्न गरायो।
पहिलो चरणको युद्धविराममा ३३ बन्धक मुक्त गर्ने भनिएको थियो, जसमा अब तीन जना मात्रै बाँकी छन्। दोस्रो चरणको युद्धविरामका लागि मध्यस्थकर्ताहरूको छलफल जारी छ।
