काठमाडौंमा भूकम्पको धक्काले आत्तिएका एक व्यक्तिले घरको छतबाट हामफालेका छन्।
नेपाल प्रहरीका प्रवक्ता एसएसपी विश्व अधिकारीका अनुसार नागार्जुन नगरपालिका– १० स्युचाटार बस्ने ती पुरूषले डेढ तले घरको छतबाट हामफालेका हुन्।
दुवै खुट्टामा चोट लागेका उनको मनमोहन मेमोरियल अस्पतालमा उपचार भइरहेको छ। प्रहरीले उनको परिचय भने सार्वजनिक गरेको छैन।
त्यसैगरी भूकम्पको धक्का महसुस भएपछि बारामा विद्यार्थीहरू बेहोस भएका छन्।
बाराको कलैया उपमहानगरपालिका–१ देवकोटास्थित त्रिचन्द्र माविका कक्षा ७ र ८ मा पढ्ने ११ जना विद्यार्थी बेहोस भएका हुन्।
प्रादेशिक अस्पतालमा उपचारपछि उनीहरू डिस्चार्ज भइसकेको प्रहरीले बताएको छ
