मंगलबार बिहान गएको भूकम्पमा परी चीनमा मृत्यु हुनेको संख्या ५३ जना पुगेको छ।
चिनियाँ समाचार संस्थाहरूले लेखेअनुसार चीनमा भूकम्पमा परी ५३ जनाको मृत्यु र ६२ जना घाइते भएको पुष्टि भएको छ।
चीनको सयमअनुसार बिहान ९ः५ बजे त्यहाँको दिङ्गे केन्द्रविन्दु भएर ६.८ म्याग्नेच्युडको भूकम्प गएको थियो।
जसबाट तिब्बतीय क्षेत्रमा अझै क्षति भएको हुन सक्ने आँकलन गरिएको छ। अहिले विवरणहरू संकलन गर्ने काम भइरहेको छ।
नेपाली समयअनुसार बिहान ६ः५० बजे भूकम्प गएको हो। नेपालको भूकम्प मापन केन्द्रमा ७ म्याग्नेच्युडको भूकम्प मापन भएको छ।
भूकम्पको कम्पन चीनसँगै नेपाल र भारतसम्म पुगेको छ।
