काठमाडौँ– बलिउड अग्रज कलाकार शत्रुघन सिन्हा ७९ वर्षका भए ।
उनको जन्म दिनको अवसरमा छोरी अभिनेत्री सोनाक्षी सिन्हाले सामाजिक सञ्जालमार्फत विशेष शुभकामना दिएकी छिन् । उनले इन्स्टाग्राममा बुवासँगको तस्वीर सेयर गर्दै लेखेकी छिन्, ‘ह्याप्पी बर्थडे किङ्ग खामोश ।’
यसको मतलब उनी आफ्नो बुवा शत्रुघनलाई ‘किङ्ग खामोश’को नामले बोलाउँछिन् । शत्रुघनले सन् १९८० पूनम सिन्हासँग विवाह गरेका थिए । दुवैका सोनाक्षी, लव र कुश गरी तीन सन्तानहरु छन् ।
उनको जन्म दिनको अवसरमा अभिनेता ज्याकी श्राफले पनि जन्म दिनको शुभकामना दिएका छन् । ज्याकीसँगै शत्रुघनले ‘जवाब हम देंगे,’ ‘युद्ध’लगायतका फिल्ममा सँगै काम गरेका थिए । पछिल्लो समय भने शत्रुघन राजनीतिक जीवनतिर मोडिएका छन् ।
फिल्म ‘प्रेम पूजारी’बाट बलिउड सिने उद्योगमा प्रवेश गरेका उनले ‘बनफूल,’ ‘वह प्यार ही प्यार,’ ‘रास्तेका पत्थर,’ ‘यार मेरी जिन्दगी’लगायतक फिल्महरुमा अभिनय गरेका छन् । उनी पछिल्लो फिल्म ‘यमला पगला दीवाना : फिर से’मा देखिएका थिए ।
