गुरु नानकका केही अमर वाणीहरु

१) पराधीनता र मोक्ष ईश्रका संकल्पाधीन छन् । अन्य कसैलाई पनि यसमा हस्तक्षेप गर्ने अधिकार छैन । यसका विपरित यदि कसैले अधिकारको चेष्टा ग¥यो भने त उसका धृष्टताको शीघ्र दण्ड मिल्नेछ ।
२) ईश्वर सर्वज्ञानी छन् र यथोचित दान दिन्छन् तर मुश्किलले कुनै साधकले यो रहस्य बुझ्न सक्छन् । जसमाथि प्रभुले स्वर्गीय गीत बर्साउँछन्, ती त राजाका पनि राजा हुन् । यो जान्ने हर्षित हुन्छन् ।
३) प्रत्येक प्राणीको कर्मानुसार नै न्याय हुन्छ किनकि ईश्वर नै सत्य हुन् र उनको नियम निर्दाेष छ । जो भगवान्लाई प्रसन्न पार्न सक्छन् ती ईश्वरको दरबारमा सम्मानित हुन्छन् र ईश्वरको दयाबाटै यो सम्मान प्राप्त हुन्छ ।
४) ईश्वर विचार र रचना गर्दछन् । उनी आफ्नो महानताको मर्यादालाई उपयुक्त रचना निःस्वार्थ गर्दछन् । उनी त्यही आज्ञा दिन्छन् जो उनलाई स्वीकार छ । त्यहाँ अरु कसैको आज्ञा चल्दैन । राजाहरुका राजा ईश्वरकै इच्छाले बुद्धिमानको अस्तित्व छ ।
५) ईश्वर जस्तो चाहन्छन् त्यस्तै गर्छन् । कसैले उनलाई आज्ञा दिन सक्दैन । उनी राजाहरुका राजा महाराजाका पनि महाराजा हुन् । उनको आज्ञा र इच्छाको अधीन बाँच्नु नै जीवन हो । उनकै इच्छा मानेर हिँड ।
६) कोही ईश्वरसँग एक रुप हुन्छन् कोही उनीबाट टाढिन्छन् । प्रभुको इच्छानुसार नै यस्तो हुने गर्दछ । कसैले के पो गर्न सक्छ र ?
७) मानिस संसारमा नाङ्गै आउँछ र नाङ्गै फर्कन्छ । त्यही बुद्धि फलित हुनेछ जो ईश्वरको कलमले मानिसको निधारमा लेखिएको छ ।
८) सच्चा भक्तको हृदयमा अपवित्रता हुँदैन । उसको मन ईश्वरमा लिन रहन्छ । गुरुद्वारा उसले शब्दको अर्थ जान्दछ र ईश्वरको अमृतमय नाममा आफूलाई डुबाइदिन्छ । उसको अन्तरमा गुरुको दीक्षा दीप्तिमान हुन्छ । फलतः आज्ञानान्धकार लुप्त हुन्छ ।

साभारः ‘महापुरुषहरुका अमर वाणी’ पुस्तकबाट