काठमाडौं । सिंगापुरस्थित अन्तर्राष्ट्रिय अपराध प्रहरी संगठन (इन्टरपोल) को नेसनल कन्ट्रोल ब्यूरो (एनसीबी) ले नेपाल प्रहरीका प्रहरी नायब उपरीक्षक (डीएसपी) सहित ३ जनाको विवरण माग्दै नेपाललाई पत्राचार गरेको छ ।
कालिकोटका ४१ वर्षीय महेन्द्रजंग शाह, कैलालीका हेमबहादुर शाही र कालिकोटका ४४ वर्षीय दिपेन्द्रबहादुर शाहबारे विवरण माग्दै एनसीबी काठमाडौंलाई केहीअघि इन्टरपोलले पत्र पठाएको छ ।
एनसीबी सिंगापुरले आतंकवादसँग सम्बन्धित व्यक्ति र समूह अथवा त्यससँग सम्बन्धित लगानीसँग सम्बन्ध भए नभएकोबारे विवरण पत्रमा माग गरिएको त्यसअनुसार, पृष्ठभूमिसहितको विवरण सिंगापुरलाई पठाइ सकिएको समेत प्रहरी प्रधान कार्यालय उच्च स्रोतले जनाएको छ ।
शाही नेपाल प्रहरीका प्रहरी नायब उपरीक्षक (डीएसपी) हुन् । उनी हाल सुदूपश्चिम प्रदेश प्रहरी कार्यालयमा कार्यरत् रहेका छन् । महेन्द्रजंगमाथि उग्र इस्लामिक समूह इस्लामिक स्टेट इन इराक एण्ड सिरिया (आईएसआईएस) सँग जोडिएको आरोप यसअघि पनि लागेको थियो । सन् २०१६ मा यही आरोपमा मलेसिया सरकारले उनलाई डिपोर्ट गरेको थियो ।
पछि मलेसियन सरकारको अनुरोधमा उनी काठमाडौं आउने वित्तिकै पक्राउ समेत परेका थिए । तर, ११ दिनपछि कुनै आधार नभेटिएको भन्दै ६ हजार रुपैयाँ धरौटी बुझाएर छुटेका थिए । सन् २०१६ सेप्टेम्बर २० मा मलेसिया प्रहरीका इन्स्पेक्टर जनरल खालिद अबु बकारले पत्रकार सम्मेलनमै महेन्द्रजंग आईएसआईएससँग जोडिएको विषयमा छानबिन भइरहेको बताएका थिए ।
शाहले अन्तर्राष्ट्रिय आतंकवादी संगठनका सदस्यहरुका लागि नक्कली पासपोर्टको व्यवस्था गरिदिएको समेत खुलेको सिंगापुरको दैनिक पत्रिका द स्ट्रेट्स टाइम्सले समाचार समेत प्रकाशित गरेको थियो । महेन्द्रजंगसँग सम्बन्ध हुनसक्ने आशंकामा थप दुई जनाको विवरण पनि माग भएको देखिएको प्रहरी प्रधान कार्यालयका एक अधिकृतले बताए । विवरण माग भएकामध्ये दिपेन्द्रबहादुरले डीएसपी शाह र आफू मलेसिया, सिंगापुर र थाइल्याण्डकोको भ्रमणमा गएका बेला चिनजानको हिसाबले महेन्द्रजंगसँग भेट्ने प्रयास गरेको बताए ।
‘उनको पृष्ठभूमिबारे थाहा नभएको तर एनआरएनएमा आबद्ध भएको फेला पत्ता लागेपछि एकैठाउँको भएको हिसाबले फोन गरेर भट्न आग्रह गरेपछि त्यसपछि मेहन्द्रजंगकै गाडीमा चढेकाले विवरण मागिएको जनाइएको छ । सिंगापुरमा अध्यागमनका अधिकारीहरुले त्यसबारे आफूहरुसँग सोधपुछ गरेको उनले बताए ।
महेन्द्रजंग व्यवसाय गरेर बसिरहेकाले उनको कार्यालयमा पनि पुगेको तर वास्तवमा शाहको पेशाका बारेमा थाहा नभएको उनको भनाइ छ । क्वालालम्पुरमा सन् २०१६ जुनमा आईएसआईएसले ग्रिनेड आक्रमण गर्दा ८ जना मानिसहरु घाइते भएका थिए । त्यसपछि आईएसआईएससँग जोडिएका मान्छेहरुबारे मलेसियन प्रहरीले अनुसन्धान तीब्र पारेको थियो । डीएसपी शाहीले ६ घण्टासम्म अध्यागमन रोकेर सिंगापुर छिर्न नदिई फिर्ता गरेको थियो
१४ दखि २४ जुनसम्मको १० दिनको टुर प्याकेज बनाएर तीन जना साथीहरु थाइल्याण्ड, सिंगापुर र मलेसिया घुमघाम गर्ने योजना बनाएकासोही अनुसार टिकट काटिएको उनको भनाइ छ । पहिल्यैदेखि चिनेका दाई दीपेन्द्र बहादुर शाहसँग कुरा हुँदा घुम्न जाने प्याकेज तयार भएको विषय पनि शेयर गरेको थिएँ । महेन्द्रजंग एनआरएनए मलेसियाको पूर्वअध्यक्ष समेत रहेको उनले नै मलाई बताएका थिए । दीपेन्द्रले १४ जुनका लागि थाइल्याण्डको टिकट नपाएपछि सिधै १३ जुनमा मलेसिया गएपछि त्यसपछि मलेसिया बोलाएको शाहीले बताए ।
