डेंगु ज्वरो एक गम्भीर रोग हो, जुन लामखुट्टेको टोकाइबाट सर्ने गर्छ । यस रोगबाट बच्न हामीले केही सजगता अपनाउनुपर्छ । डेंगु सार्ने लामखुट्टेले प्रायः दिउँसो मात्र टोक्छ ।
खासगरी एडिज प्रजातिको लामखुट्टे डेंगुका लागि जोखिमपूर्ण हुन्छ । गर्मी एवं वर्षाको समयमा यस्तो लामखुट्टे फैलने भय बढी हुन्छ । त्यसैले डेंगुबाट बच्नु भनेको यस्ता लामखुट्टेको टोकाइबाट बच्नु नै हो ।
किनभने यसको टोकाइ एवं सङ्क्रमण निकै घातक हुन सक्छ । एडिज लामखुट्टे जमेको पानीमा जन्मने र हुर्कने गर्छ । जस्तो कि, कुवाको पानी, खाल्डाखुल्डीमा जम्मा भएको पानी, नालाको पानी आदि । त्यसैले घर आसपासमा पानी जम्ने ठाउँ हुनुहुँदैन ।
डेंगुबाट बच्न यस्तो सजगता अपनाउनुहोस्
–सबैभन्दा पहिले हामीले घर वरिपरि पानी जम्ने ठाउँहरूलाई सफा राख्नुपर्छ । खालि भाडा, गमलामा र अन्य भाँडाहरूमा पानी जम्न दिनुहुँदैन ।
–डेंगुबाट बच्नको लागि विशेष गरी बिहान र बेलुका लामखुट्टेको सक्रियता बढी हुने समयमा पुरा बाहुला भएको कपडा लगाउनुहोस् । यसले लामखुट्टेको टोकाइबाट बचाउँछ ।
–लामखुट्टे भगाउने क्रिम वा स्प्रेको प्रयोग गर्नुहोस् झ्यालहरूमा नेट जाली लगाउनुहोस् । विशेष गरी लामखुट्टे बढी हुने स्थानमा जाँदा, यो सजगता अत्यन्त आवश्यक हुन्छ ।
–डेंगुको लक्षणहरू जस्तै उच्च ज्वरो, टाउको दुखाई र शरीरमा रगतको कमी अनुभव भएमा तुरुन्त स्वास्थ्य केन्द्र जानुहोस् । प्रारम्भिक उपचारले रोगलाई गम्भीर बन्नबाट रोक्छ ।
–डेंगु रोगबाट बच्नको लागि सजगता अपनाउनु अत्यन्त जरुरी छ । यी सामान्य सतर्कता अपनाएर डेंगुबाट बच्न सकिन्छ ।
–डेंगुबाट बच्नका लागि घर आसपास एवम् टोल छेउछाउ पानी जम्न दिनु हुँदैन । नीमको पात बालेर त्यसको धुवाँ घरमा फैलाउँदा लामखुट्टे भाग्छ । पानी राखिएको जार,बोतल खुला छाड्नु हुँदैन ।
– भान्सा र बाथरुमलाई सुख्खा राख्नुपर्छ । झ्याल ढोकामा जाली लगाउनुपर्छ । शरीर पूरा ढाक्ने गरी लुगा लगाउनुपर्छ । सुतेको समयमा झुल प्रयोग गर्नुपर्छ । घर आसपास लामखुट्टे मार्ने औषधी छर्नुपर्छ ।
