काठमाडौं । भारतका प्रधानमन्त्री नरेन्द्र मोदीलाई नेपाल भ्रमणका निम्तो दिन परराष्ट्र मन्त्री आरजु राणा आइतबार नयाँदिल्ली जाने भएकी छन् ।
परराष्ट्रमन्त्री राणाले भारतका प्रधानमन्त्री मोदीसँग भेट गरेरै भ्रमणको निम्तो दिने तयारी गरेकी छन् । तर अहिलेसम्म मोदीसँग भेट्ने कार्यक्रम भने तय भइसकेको छैन ।
परराष्ट्रमन्त्री राणाले भारतीय समकक्षी एस जयशंकरसँग भने भेट्ने निश्चित भएको छ । मोदीसँग भेट नभए जयशंकरमार्फत् नै निम्तो दिने तयारी छ ।
परराष्ट्र मन्त्री राणा बुधबार स्वदेश फर्कने छिन् । यद्यपी, परराष्ट्र मन्त्रालायबाट भारत भ्रमणको औपचारिक जानकारी भने सार्वजनिक भएको छैन । केही दिन अगाडि भारतीय विदेश सचिव विजय मिश्री नेपाल आएका थिए । उनकै सुझावअनुसार राणा भारत जान लागेको बताइएको छ ।
