नयाँ दिल्लीः भारत र अन्य चार मध्य एसियाली राष्ट्रहरूले अफगानिस्तानलाई ूकुनै पनि आतंकवादी कार्य को लागी प्रयोग गर्नु नहने अडानका साथ आतंकवादको प्रतिरोध र क्षेत्रमा स्थिरता कायम गर्न सुरक्षा बैठक बसेका हन् ।
भारतको राष्ट्रिय सुरक्षा सल्लाहकार अजित डोभालले जनवरीमा प्रधानमन्त्री नरेन्द्र मोदीको नेतृत्वमा भारत(मध्य एशिया नेतृत्व शिखर सम्मेलन पछि नयाँ दिल्लीमा कजाकिस्तान, किर्गिजस्तान, ताजिकिस्तान र उजबेकिस्तानका आफ्ना समकक्षहरूलाई आयोजना गरेका हुन् ।
अफगानिस्तानको एजेन्डामा उक्त बैठकमा बिशेष महत्व दिएर राखिएको थियो । यस वर्षको सुरुमा हुने शिखर सम्मेलनको फोकस चाँही संकटग्रस्त राष्ट्रमा विकासशील अवस्थाको बारेमा हुने बताइएको छ ।
अफगानिस्तान हामी सबैको लागि महत्त्वपूर्ण मुद्दा हो, डोभालले बताए ।
भारतको अफगानिस्तानसँग कुनै कूटनीतिक सम्बन्ध छैन र गत वर्ष अगस्टमा अमेरिकी नेतृत्वको सेनाले देश छोडेपछि र तालिबानले कब्जा गरेपछि भारतले काबुलमा आफ्नो दूतावास बन्द गरेको थियो। यद्धपि सन् २००१ मा अमेरिकाको नेतृत्वमा भएको आक्रमणमा अघिल्लो तालिबान शासनको पतनपछि नयाँ दिल्लीले अफगानिस्तानमा पूर्वाधार र मानवीय सहायतामा अर्बौं डलर खर्च गरेको थियो। मंगलबारको वार्तापछि जारी गरिएको संयुक्त घोषणामा “अफगानिस्तानको भूभागलाई कुनै पनि आतंकवादी कार्यलाई आश्रय, तालिम, योजना वा वित्तपोषणका लागि प्रयोग गर्न नहुने कुरामा जोड दिइएको छ।
