काठमाडौं— नेपाली किर्तिमानी आरोही निमा रिन्जी शेर्पाले १८ वर्षको उमेरमा कञ्चनजङ्घा हिमालको सफलतापूर्वक आरोहण गरेका छन् । यो सँगै उनी कञ्चनजङ्घा हिमाल आरोहण गर्ने विश्वकै सबैभन्दा कम उमेरका व्यक्ति बनी कीर्तिमान कायम गरेका छन् ।
उनले शेर्पासहित आठ आरोहीको टोलीसँगै ८,५८६ मिटर अग्लो विश्वको तेस्रो अग्लो हिमालको चुचुरोमा जुन ८ तारिखका दिन बिहान ९ः३० बजे शिखरमा पुगेको नेपालका अग्रणी आरोहण सञ्चालन गर्ने कम्पनी सेभेन समिट ट्रेक्स का प्रबन्ध निर्देशक टाशी लाक्पा शेर्पाले बताए ।
यस ऐतिहासिक आरोहणसँगै निमा रिन्जीले आफ्नो १३औं ८००० मिटर माथिका अग्ला शिखर आरोहण गरेका छन् । अब उनले ८००० मिटरभन्दा माथिका सबै १४ शिखर हरू पूरा गर्ने र सबैभन्दा कम उमेरको आरोहीको कीर्तिमान बनाउने लक्ष्य राखेका छन् । अब उनले १४ औं ८ हजार मिटर माथिको शिखर पूरा गर्न शिशापाङ्मा मात्र बाँकी छ।
निमा रिन्जीले यसअघि धेरै कीर्तिमान बनाएका छन् । गत वर्ष उनी माउन्ट के२ आरोहण गर्ने विश्वकै कम उमेरका व्यक्ति र १७ वर्षको उमेरमा सगरमाथा—ल्होत्से आरोहण गर्ने सबैभन्दा कम उमेरका व्यक्तिको किर्तिमान राखेका थिए ।
संखुवासभा जिल्ला मकालुमा जन्मेका निमा रिन्जी कीर्तिमान राख्ने आरोही टासी लाक्पाका कान्छा छोरा हुन् । टासी लाक्पाले १९ वर्षको उमेरमा अक्सिजनबिना सगरमाथा आरोहण गरी सबैभन्दा कम उमेरका आरोही बनेर विश्व कीर्तिमान कायम गरेका थिए ।
निमा रिन्जीले आरोहण गरेका चुचुराहरूको सूची
मनास्लु (८,१६३ मिटर) – अगस्ट ३०, २०२२
सगरमाथा (८,८४८ मिटर) – २४ मे २०२३
ल्होत्से (८,५१६ मिटर) – २५ मे २०२३
नङ्गा पर्वत (८,१२५ मिटर) – २६ जुन २०२३
गाजरब्रम १ (८, ०८० मिटर ) — १८ जुलाई , २०२३
गाजरब्रम २ (८, ०३५ मिटर )– १९ जुलाई , २०२३
ब्रोड पीक (८,०५१ मिटर) – २३ जुलाई २०२३
के२ (८, ६११ मिटर)– २७ जुलाई, २०२३
धौलागिरी (८,१६७ मिटर) – २९ सेप्टेम्ब , २०२३
चो ओयु (८,१८८ मिटर) – ६ अक्टोबर, २०२३
अन्नपूर्ण (८,०९१ मिटर) – १२ अप्रिल, २०२४
मकालु (८,४८५ मिटर)– ४ मे, २०२४
कञ्चनजङ्घा (८५८६ मिटर) ८ जुन, २०२४
निमा रिन्जी सहित नौ आरोहीको टोलीले यस सिजनको अन्तिम आरोहणको रुपमा कञ्चनजङ्घाको गरी उल्लेखनीय उपलब्धि हासिल गरेको सेभेन समिट ट्रेक्सका महाप्रबन्धक थानेश्वर गुरागाईले बताए।
कञ्चनजङ्घा आरोहण दलका सदस्यः
निमा रिन्जी शेर्पा (नेपाल)
पासाङ नुर्बु शेर्पा (नेपाल)
एलिना पेकोवा (रसिया)
फुर्बु कुसाङ शेर्पा (नेपाल)
फुरा छिरिङ शेर्पा (नेपाल)
डेंडी शेर्पा (नेपाल)
आङ तेन्जी शेर्पा (नेपाल)
अन्जा ब्लाचा (जर्मनी)
सोना शेर्पा (नेपाल)
