काठमाडौं । आसन्न निर्वाचनलाई लक्षित गरी उत्तरी सीमानाका रसुवागढी बिहीबार मध्यरातदेखि बन्द भएको छ । मतदानको ७२ घण्टाअगाडि नै नाका बन्द गर्नुपर्ने भएकाले बिहीबार मध्यरात १२ बजेदेखि मंसिर ४ गते राति १२ बजेसम्मका लागि नाका सिल गरिएको हो ।
कोरोना महामारीपछि रसुवागढी नाकाबाट आयात मात्र भइरहे पनि सामान निर्यात र मानिसको आवतजावत भने २०७६ माघ १५ देखि नै बन्द छ । अहिले नाकाबाट दिनहुँ १४ वटा चिनियाँ कन्टेनरमा सामान आयात भइरहेको छ ।
यता चुनावकै लागि भारतसँगको सिमानाका पनि बन्द गरिएको छ । नेपाल प्रवेश गर्ने देशका विभिन्न नाकाहरु चुनावसम्मका लागि बन्द गरिएको हो ।
