बलिउडकी ‘क्वीन’ अर्थात् कंगना रनौत। उनी अक्सर आफ्नो कुराहरूको कारण विवादमा आइरहन्छिन्। उनलाई ‘कन्ट्रोवर्सी’ क्वीन भनेर पनि चिनिन्छ। त्यसैगरी उनी आफ्नो सम्बन्धको कारणपनि चर्चा छाइरहन्छिन्।
कंगनाका नाम बलिउडका धेरै सेलिब्रेटीहरू जोडियो। उनले कयौं–पटक आफ्नो सम्बन्धहरूलाई लिएर आवाज उठाएकी छन् तर अभिनेता अजय देवगनसँगको सम्बन्धबारे कहिल्यै खुलेर बोलिनन्।
अजयसँग कसरी जोडियो कंगना नाम ?
उनीहरूको सम्बन्धको सुरूवात सन् २०१० मा भएको थियो। जब फिल्म ुवन्स अपन अ टाइम इन मुम्बईु को सुटिङ चलिरहेको थियो। यो फिल्ममा अजय र कंगना मुख्य भूमिकामा थिए।
दुवैलाई प्रेमीको रूपमा देखाइएको थियो। तर सुटिङको क्रममा यी दुई वास्तविक जीवनमा पनि एकअर्काको नजिक आए। त्यतिबेला यी दुई एकसाथ सेटमा आउने र जाने गर्थे। उनीहरूले सँगै खाना पनि खान्थे। त्यसपछि उनीहरुको अफेयरको खबर फैलन थाल्यो।
काजोलले दिइन् धम्की
यी दुईबीचको निकटता यतिसम्म बढेको थियो कि अजयले कंगनाको नाम आफ्नो फिल्म ुरास्कलु र ुतेजु का लागि सुझाएका थिए। उनको दबाबपछि कंगनालाई पनि साइन गरिएको थियो। यसपछि कंगना अजयका लागि निकै सिरियस बनेकी थिइन्।
जब उनीहरूको अफेयरको खबर काजोलसम्म पुग्यो तब उनले अजयलाई कंगनासँग फेरि काम गरे बच्चाहरू लिएर घर छोड्ने धम्की दिएकी थिइन्। अजय आफ्नो वैवाहिक जीवन बिगार्न चाहँदैनथे। त्यसपछि उनी कंगनाबाट छुट्टिन थाले।
हात काट्ने धम्की
फिल्म म्यागजिन ुस्टारडस्टु का अनुसार यी दुईबीचको विवाद यति धेरै बढ्यो कि सुटिङ सकिएको एक दिनपछि कंगना अजयको कोठामा पुगिन्।
उनी रक्सीको नशामा थिइन् र राम्रोसँग उभिन सकेकी थिइनन्। उनको अवस्था देखेर अजय छक्क परे। तिनीहरूले उसलाई फिर्ता पठाउन धेरै कोसिस गरे तर असफल भए।
अजयले कंगनालाई फ्रेस मुडमा कुरा गर्न सुझाए तर उनी मानिनन्। कंगनाले अजयलाई धम्की दिएकी थिइन् कि यदि उनले यो सम्बन्धको बारेमा सोचेनन् भने उनले आफ्नो हातको नसा काट्नेछिन्।
त्यसपछि अजय उनीबाट धेरै टाढा गए।
यी दुईले आफ्नो सम्बन्धको बारेमा कहिल्यै कुरा गरेनन्। तर, एकपटक कंगनाले निश्चित रुपमा विवाहित व्यक्तिसँग अफेयर राख्ने निर्णय गलत भएको बताएकी थिइन्।
