काठमाडौं । कांग्रेसका सहमहामन्त्री महेन्द्र यादवलाई आक्रमण गर्ने श्याम बहादुर सापकोटाले कार्यक्रममा सहभागी हुनुपूर्व नै योजनावद्ध रुपमा आएको अनुसन्धानबाट खुलेको छ ।
आफूलाई नागरिक अभियन्ता बताउने नुवाकोटको विदुर–७ घर भएका ४७ वर्षीय श्याम बहादुर सापकोटाले बुधवार काठमाडौँ महानगरपालिका–२८ स्थित भृकुटीमण्डपमा आयोजित साक्षात्कार कार्यक्रम सकिएपछि सापकोटाले यादवलाई खुकुरी प्रहार गरेका थ्रिए । रिपोर्टस क्लबमा आयोजित कार्यक्रममा सहभागी हुन आउँदा नै सापकोटाले झोलामा खुकुरी लिएर आएको प्रहरी स्रोतले जनाएको छ ।
यादवको खुकुरी प्रहारबाट टाउको पछाडि भागमा गम्भिर चोट लागेको राष्ट्रिय ट्रमा सेन्टरले जनाएको छ । अहिले उनको आईसीयुमा उपचार भइरहेको छ ।
