१. शरीर रोगको घर हो, शरीर व्याधिमन्दिरम् र साँच्चै भनुँभने, रोगहरु शरीरका पाहुना हुन् । तिनीहरुलाई स्वागत गर्नुहास् । खूब खुवाउनुहोस् । पियाउनुहोस् । त्यसो गरे यिनीहरु खुसी भएर जान्छन् । राम्ररी सेवा नगरे दुःख दिन्छन्, आफ्नो पैसा लिएर मात्रै जान्छन् ।
२. शरीर तीन प्रकारका हुन्छन्— १) स्थूल, २) सूक्ष्म र ३) भावनात्मक । सूक्ष्म शरीर एक अर्थमा ‘म’ हो । सपनामा यो घुमफिर गर्छ । प्रेतहरुको पनि यस्तै शरीर हुन्छ । भावनात्मक शरीर एक प्रकारको साँचो शरीर हो । ज्ञान प्राप्त गरेपछि यसले ज्योतिषरुप लिन्छ, जुनसुकै आकार पनि लिन सक्छ । यसको कुनै रङ्ग हुँदैन, आँखाले देख्न सकिन्छ । इच्छाअनुसार सूक्ष्म वा स्थूल शरीर लिन सक्छ । अन्तरिक्षमा घुम्ने इच्छा छ भने सूक्ष्म शरीर, संसारको भोगको इच्छा भने स्थुल शरीर लिन सक्छ । वास्तवमा स्थुल शरीर हाम्रो निजी शरीर होइन यो एउटा पिँजडा मात्रै हो । हाम्रो साँचो शरीर त्यो हो जसले हामीलाई कहिल्यै पनि छोड्दैन ।
३. परिचिन्ताले दुःखलाई दशदोब्बर, डरले सयदोब्बर बढ्छ । पीर चिन्ता र डर हटेमा बाँकी भएको दुःखाईले केही नाप्दैन ।
४. मानिस शक्तिमान छ तर प्रभु सर्वशक्तिमान हुनुहुन्छ । मानिसले सबैकुरा पाउन सक्छ । मानिसले मात्र सबै जीव प्रभुको व्यक्तरुप हुन् भनेर बुझ्न सक्दछ अरु जीवले बुझ्न सक्दैनन् । यस्तो भावना राखेमा सबैमा मित्रता राख्न सकिन्छ । सधैँ होशियार भएर बस्नुपर्छ ।
५. मर्यादाक्रममा प्रभुपछि मनुष्य आउँछ । विभिन्न देवी देवताहरु केवल भौतिक तत्वहरु हुन् । मनुष्यबाहेक अरु सबै जीव भोगको लागि मनुष्य जीवन प्रभुको लागि । मनुष्यले स्वधर्म रुपी पुरुषार्थ कर्म गरे प्रभु पाइन्छ । प्रत्येक जीवको विशेष प्रकारको स्वभाव हुन्छ तर मनुष्यको हुँदैन । मनुष्यको पनि विशेष स्वभाव ‘स्वधर्म’ हुनुपर्दछ ।
६. मानिस १ पैसाको यौन सुखको लागि १०० पैसाको दुःख बिहे, परिवार पाल्ने आदि सहन तयार हुन्छ ।
साभारः ‘महापुरुषहरुका अमर वाणी’ पुस्तकबाट
