काठमाडौं । तालिवानले अफगानिस्तानमा महिलालाई ब्युटीपार्लरमा प्रतिबन्ध लगाएको छ । नैतिकता मन्त्रालयले सूचना जारी गर्दै देशमा महिला र केटीहरूको अधिकार र स्वतन्त्रताको पछिल्लो प्रतिबन्ध स्वरुप ब्युटीपार्लर एक महिनाभित्र बन्द गर्न आदेश दिएको हो ।
‘महिलाका लागि ब्युटीपार्लर बन्द गर्न अन्तिम अवधि एक महिना छ’, मन्त्रालयको सूचना उदृत गर्दै प्रचारप्रसारसम्बन्धी मन्त्रालयका प्रवक्ता मोहम्मद सादिक अकिफले भनेका छन् । सन् २०२१ मा तालिवानले सत्ता कब्जा गरेपछि महिलाको स्वतन्त्रतामा लगातार कमी आएको छ ।
उनीहरूले किशोर किशोरी र महिलाहरूलाई कक्षा कोठा, जिम र पार्कहरूमा प्रतिबन्ध लगाएका छन् । हालसालै उनीहरूलाई संयुक्त राष्ट्रको लागि काम गर्न पनि प्रतिबन्ध लगाएका छन् । तालिवानले महिलाहरूले आफ्नो आँखा मात्र देखाउने तरिकामा लुगा लगाउनु पर्ने आदेश समेत दिएको छ ।
