सिन्ध— पाकिस्तानमा महिलाहरूले जबरजस्ती विवाह र धर्म परिवर्तनको पीडा भोग्न बाध्य भएका छन् । यस्तै, केही महिलाहरु भने यसबाट उम्कन सफल भएका छन्।
गुड्डी कोहली नामकी एक महिलालाई जबरजस्ती विवाह गराइयो र पछि उनको धर्म पनि पाकिस्तानमा परिवर्तन गरियो। स्रोतका अनुसार ती महिलाले त्यहाँबाट भागेर छुटेर समुदायमा शरण लिएकी पाकिस्तानी स्थानीय सञ्चारमाध्यमले जनाएको छ।
सञ्चारमाध्यमसँग कुरा गर्दै उनले भनिन्, ‘एक वर्षअघि राति उनलाई इलाकाका प्रभावशाली व्यक्तिले अपहरण गरी मिरपुर खासमा जबरजस्ती धर्म परिवर्तन गराएपछि रुस्टन जुनेजोसँग जबरजस्ती विवाह गराइएको थियो ।
मानवअधिकारका विशेष संयोजकले घटनाबारे स्थानीय प्रहरीको ध्यानाकर्षण गराएपछि प्रहरीले ती महिलालाई उद्दार गरिएको थियो ।
विवाहित महिला चेल्हार नजिकैको हार्पारको एक निजी जेलमा एक वर्षको लागि कैद थिइन्, र बाहिर निस्केपछि उनी झन्जियरमा भागिन् र मिंगोरा जनजातिका सदस्यसँग शरण लिइन् ।
ती महिलाले आफूलाई रुस्तमले एक वर्षसम्म हार्पारमा थुनेर राखेको र साङ्लोले बाँधेर राखेको बताइन् ।
पाकिस्तानको स्थानीय सञ्चारमाध्यम सिन्ध एक्सप्रेसका अनुसार रुस्तमले आफूलाई एक वर्षसम्म अपमानित र दुव्र्यवहार गरेको बताएकी छन् ।
उनले उनको धर्म जबरजस्ती परिवर्तन गरिएको र स्थानीय कुख्यात व्यक्तिहरूले उनको जीवन बर्बाद गरेको बताएकी थिइन् । रुस्तमलाई कारबाही गर्दा आफूलाई न्याय मिल्ने उनको तर्क छ ।
यसअघि पीपीपी नेतृ सुमित्रा मञ्ज्यानी घटनाको जानकारी पाएलगत्तै झन्जियर पुगिन् । पीडित महिला गुड्डी कोहलीलाई न्याय दिने वाचा गरिन् ।
