नयाँ दिल्ली– भारतसँगको विद्युत निकासी महसुल परिमार्जन भएपछि अब चुखा जलविद्युत आयोजनाले यस वर्ष थप ५९० मिलियन भुटानी रुपैयाँ राजस्व उठ्ने, भुटान लाइभले लेखेको छ । भुटानको चुखा हाइड्रोपावर प्लान्टले आन्तरिक माग बढी भएकाले यस वर्ष १३ करोड युनिटभन्दा बढी बिजुली निर्यात गर्ने अपेक्षा गरिएको छ ।
भुटानका राजा जिग्मे वाङ्चुकको भर्खरैको भारत भ्रमणका कारण हिजो संयुक्त प्रेस विज्ञप्ति मार्फत एक एकाइको ४ ले वृद्धि भएको जानकारी गराइएको थियो। यो परिमार्जन जनवरी २०२१ मा हुने कार्यक्रमय थियो, भुटान लाइभले लेखेको छ ।
परिमार्जित मूल्य निर्धारणसँगै यस वर्ष चुखा जलविद्युत् आयोजनाबाट विद्युत् निकासीबाट हुने आम्दानी ४ अर्ब नजिक पुग्नेछ । गत वर्ष चुखा जलविद्युत् आयोजनाबाट करिब १६ करोड युनिट ऊर्जा भारत निर्यात भएको थियो ।
सन् २०१४ मा चुखाको विद्युत् महसुल २५ छेत्रमले बढाएको थियो भने २०१७ मा ३० छेत्रमले थप गर्ने अनुमति दिइएको थियो । यसैबीच बसोचु जलविद्युत् आयोजनाबाट भुटानले करिब २० करोड युनिट बिजुली निर्यात गर्ने लक्ष्य राखेको छ । आयोजनाले वार्षिक करिब २८ करोड युनिट बिजुली उत्पादन गर्छ ।
