एम्पी अवाड जित्ने ओपरा विन्फ्रीले आफ्नो ख्यातिप्राप्त ओपरा विनफ्री शोको माध्यमले ४० करोड डलरभन्दा अधिक कमाइसकेकी छन् । किंग वल्र्ड अहिले उनको शोमा यति निर्भर छ कि वाल स्ट्रीट जर्नलमा उनले आफ्नो शो छाड्ने कुरामा विचार गर्दैछिन् भन्ने कुरा छापिँदा डिस्ट्रिव्युटरको शेयरको मूल्य घट्यो । उनको यो शो यति लोकप्रिय छ कि यदि उनी यसमा कुनै लेखकलाई आमन्त्रित गर्दछिन् वा कुनै पुस्तकको प्रशंसा गर्दछिन् भने चाँडै नै त्यस पुस्तकको बिक्रीले डेढ लाखको आँकडालाई छुनेछ ।
सानैदेखि नै विन्फ्री पढ्नमा तेजिला थिइन्, तर उनको जीवन दुःखले भरिएको थियो । विन्फ्रीका पिता उनीसँग बस्दैनथे र उनकी आमाका कैयौँ विश्वासपात्र मित्रले नौ वर्षको उमेरदेखि विन्फ्रीको शारिरीक शोषण गर्न थालेका थिए । बेइज्जत हुने डरले उनले यो कुरा कसैलाई भनिन् । तर एक दिन उनी आफ्नी आमाको पर्सबाट पैसा चोरेर घरबाट भागिन् त्यसपछि उनी आफ्नो पिताको घरमा बस्न थालिन् । त्यहाँ उनको प्रतिभालाई देखेर सी.बी.एस. टेलिभिजन स्टेशनले उनलाई साँझ समाचार पढ्नका लािग आमन्त्रित ग¥यो । यस पदमा काम गर्ने उनी पहिलो अफ्रिकी अमेरिकी महिला थिइन् ।
१९७७ मा उनी बाल्टीमोर इज टकिङ्ग नामक शोको होस्ट बनिन् । सात वर्षसम्म चलाइने यो शो एक प्रकारे ओपरा विन्फ्री शोको रियलसल थियो । १९८४ मा विन्फ्रीलाई शिकागो पठाइयो, ता कि उनले त्यहाँ ए.एम शिकागो नामक नयाँ शोलाई लोकप्रिय बनाइन् । उनले तत्काल कुकिङ र मेकअपजस्तो हल्का फुल्का विषयलाई हटाएर विवादस्पद र समकालीन मुद्दा लिन शुरु गरिन् । तीन महिनापछि जब यो शो अमेरिकाको सबैभन्दा लोकप्रिय शो बन्यो, तब यसको नाम फेरेर ओपरा विन्फ्री शो राखियो र यहाँबाट नै उनको सफलताको वास्तविक यात्रा प्रारम्भ भयो ।
साभारः ‘सफलता’ पुस्तकबाट
