पोखरा, १३ चैत । नि:शुल्क आँखा शिविरमा पोखराका १ सय ८२ जना संचारकर्मीले आँखा जाँच गरेका छन् । नेत्रज्योति संघ कास्कीको ४५ औं स्थापना दिवसको अवसरमा नेपाल पत्रकार महासंघ गण्डकीको समन्वय तथा मिहालय आँखा अस्पतालको प्रविधिक सहयोगमा सोमबार आयोजित एक दिने आँखा शिविरमा १ सय ८२ जना संचारर्मीले आँखा जाँच गरेका हुन् ।
शिविरमा सहभागी मध्ये ३५ जनालाई चस्मा वितरण गरिएको छ भने १ सय ५ जनालाई औषधि वितरण गरिएको नेत्रज्योति संघ कास्की सचिव सुरेन्द्र थापाले बताउनुभयो । १६ जना पत्रकारलाई हिमालयन आँखा अस्पताल पोखरामा रिफर गरिएको जानकारी सचिव थापाले दिनुभयो ।
नेपाल पत्रकार महासंघ गण्डकी प्रदेशको परिसरमा सोमबार बिहान ८ बजेदेखि १२ बजेसम्म शिविर सञ्चालन गरिएको हो । नेपाल नेत्रज्योति संघ कास्कीका अध्यक्ष तथा अधिवक्ता कृष्णबहादुर गुरुङको अध्यक्षतामा शिविर उद्घाटन कार्यक्रम सम्पन्न भएको थियो ।
