बोल्दा सरल र स्पयट रुपमा शब्दहरुको उच्चारण गर्न नसक्नुलाई भक्भकाउनु मानिन्छ । यस्ता कुनै कुनै समस्या चाँडै निको हुने गर्दछ भने कुनै वेला धेरै समय रहने गर्दछन् ।
मस्तिष्कमा रहेको बोल्नका लागि प्रयोग हुने स्नायुहरुको गडबडीको कारणले यो समस्या उत्पन्न हुने गर्दछ । यसका साथै जिब्रो र ओठ आवश्यकतानुसार चलाउन नसक्नुले पनि यस्तो समस्या ल्याउने गर्दछ ।
प्राकृतिक भोजन, योग, ध्यान आदिको अभ्यासबाट यसको उपचार गर्न सकिन्छ ।
उपचार
– भोजनमा मौसमअनुसारका फलफूलहरु प्रशस्त मात्रामा सेवन गर्नुपर्दछ ।
– खाना खाएपछि मुखमा ल्वाङ र अलैँची राख्नु राम्रो मानिन्छ ।
– अमलाको चूर्ण, गाईको घिउसित खानु लाभदायक हुन्छ ।
– महमा कालो मरिच मिसाएर चाट्नु फाइदाजनक हुन्छ ।
– छोहरालाई दूधमा पकाएर खाने र त्यो दूध पिउनाले आवाज सफा हुने गर्दछ । यसरी खाएको दुई घण्टासम्म अरु केही नखाने सल्लाह दिइन्छ ।
– दैनिक १० वटा बोक्रा झिकिएको बदाम पिनेर बटर र मह मिसाएर खानाले फाइदा गर्दछ ।
– रातभरि शंखमा पानी राखेर भोलिपल्ट पिउनाले फाइदा गर्छ ।
– यो समस्यामा सिंहासन, मण्डुकासन, उष्ट्रासन, जानुशीर्षशन आदि योगासनहरु गर्न सकिन्छ ।
– जिब्रोलाई दैनिक सफा गर्नुपर्दछ ।
– कब्जियत हुन दिनुहुँदैन ।
– मनबाट डर हटाएर मनलाई सबल मजबुत बनाउनुपर्दछ ।
– म कुशल वक्त बन्दैछु भन्ने आत्मसुझाव दिँदै गर्नुपर्दछ ।
– फिटकिरी मुखमा राखेर सुत्नाले एक महिनामै असर देखाउन थाल्दछ ।
साभारः ‘एकसे एक उपचार’ पुस्तकबाट
