साईबाबाका केही अमर वाणीहरु
१) सर्वाेच्च ज्ञान प्राप्तिको अर्थ हो एउटा आत्माको माध्यमबाट समस्त सृष्टिलाई बुझ्नु ।
२) ज्ञानमा दुई कुराको आवश्यकता हुन्छ — एक मानसिक शक्ति र अर्काे लक्षमा पूर्ण एकाग्रता ।
३) सम्पूर्ण सत्य नै ज्ञानीको एकमात्र लक्ष हो र सत्यको निर्माण हुँदैन, न त त्यो फेरिन्छ नै । सत्य त चिरकालका लागि आफ्नो नित्य स्वरुपमा एकनासले सधैँ उपस्थित रहन्छ र त्यो प्राप्त गर्नका लागि समस्त अज्ञान पूर्णतः लुप्त हुनु आवश्यक छ ।
४) सत्य र ज्ञान प्राप्त व्यक्तिले आफ्नो नियतिलाई नियन्त्रित गर्ने शक्ति प्राप्त गर्दछ ।
५) ज्ञान आत्मोद्वारको त्यो मार्ग हो, जसको केवल बौद्धिक विवाद गर्नाले कुनै सार भेटिन्न ।
६) ज्ञान मार्गको अर्थ व्यक्तिको आध्यात्मिक अनुभवबाट प्राप्त उच्चतम ज्ञान हो ।
७) ठीक र बेठीकको निर्णय लिनु आवश्यक छ, त्यसैले तपाई त्यही बन्न सक्नुहुन्छ जो तपाईं जान्नुहुन्छ र कर्मको सिद्धान्तसँग यसको घनिष्ठ सम्बन्ध छ ।
८) चरित्र शक्ति हो । ज्ञानले व्यक्तिको चरित्रलाई अझ उज्ज्वल बनाउँछ ।
९) ब्रह्म निराकार, अन्तरिक्षीय, कहिल्यै नफेरिने तत्व हो र यसैबाट प्रत्येक वस्तुको निर्माण भएको छ ।
१०) चरित्रहीन शिक्षा, मानवतारहित र नैतिकताहीन व्यापार लाभप्रद त होला तर त्यो सबभन्दा बढी खतरापूर्ण पनि हुन्छ ।
साभारः ‘महापुरुषहरुका अमर वाणी’ पुस्तकबाट
