बाँझोपन महिला वा पुरुष जसको कारणले पनि हुन सक्छ । एक वर्षसम्मको प्रयासमा पनि गर्भाधारण नभएमा बाँझोपन भन्ने बुझिन्छ ।
– आइरनयुक्त खानाले गर्भधारण हुनमा सहयोग पु-याउने भएका कारण आइरन पाइने हरिया सागसब्जी ब्रोकाउली, गोलभेँडा, हरियो केराउ, कुरिलो खान सकिन्छ ।
– तपाईं मानसिक तनावमा हुनुहुन्छ भने पनि गर्भधारण हुन सक्दैन । त्यसैले तनाबबाट मुक्त भएपछि मात्रै गर्भधारणको प्रयास थाल्नुहोला ।
– भिटामिन बी युक्त भोजन (जस्तै— सिमी, केरा, अन्डा, नरिवल, बन्दा, देसीबदाम, एभोकाडो, आलु)ले गर्भधारणमा सघाउ पु-याउँछ ।
– हरिया सागसब्जी, गहुँ र जौको जमरा, फर्सीको बियाँ, च्याउ, प्याज आदिको सेवनले पनि बाँझोपन हटाउन मद्दत गर्दछ ।
– काफलको बोक्राको धूलो र मिस्री समभाग मिलाउने । महिलाको महिनावारिपछि दुई ग्रामको मात्रा दूधसित तीन दिन लगातार खाएपछि गर्भधारणको सम्भावना हुन्छ । (शरीर बलियो र मन सुदृढ हुने महिलाले मात्र यो खानु ठीक हुन्छ ।)
साभारः ‘योगतन्त्र’ पुस्तकबाट
