संयुक्त राष्ट्रका अधिकारीले संयुक्त राष्ट्र दिगो विकास लक्ष्य (एसडीजी)लाई अगाडि बढाउन लचिलो पूर्वाधार, विविध क्षेत्र साझेदारी र यातायात, ऊर्जा, व्यापार र डिजिटल प्रविधिमा बृहत्तर क्षेत्रीय सञ्जालमा लगानी गर्न आह्वान गरेका छन् ।
संयुक्त राष्ट्र ग्लोबल कम्प्याक्टका सहायक महासचिव र सीइओ सान्डा ओजिआम्बोले सिङ्गापुरमा आयोजित एसडीजीलाई गति दिन बेल्ट र रोड इन्फ्रास्ट्रक्चर लगानी सम्बन्धी दोस्रो ग्लोबल बिजनेस समिटलाई सम्बोधन गर्दै हाल एसडीजी लक्ष्यको ३६ प्रतिशत मात्र अपेक्षित प्रक्रियामा भएको र मध्यमस्थरको प्रगति गरिरहेको बताउनुभएको छ । उहाँका अनुसार १५ प्रतिशत एसडीजी लक्ष्य गिरावटमा रहका छन् ।
विश्वव्यापी कम्पनीले जलवायु परिवर्तन, प्राविधिक अवरोध, स्थानान्तरण आपूर्ति शृङ्खला, स्रोत अवरोध, लगानीकर्ता र उपभोक्ताबाट बढ्दो छानविनले बढेको पूर्वाधार चुनौतिलाई बढवा दिइरहेको ओजिआम्बोले बताउनुभएको छ ।
एसडीजीका अधिकांश लक्ष्य तथा पूर्वाधार लगानीमा निर्भर रहेको उहाँले बताउनुभएको छ ।
ओजिआम्बोले कम्पनीलाई विकासका चुनौतिलाई लगानीको अवसरका रूपमा हेर्न आग्रह गर्दै उद्योगलगायतका क्षेत्रमा बलियो साझेदारीका लागि पनि आह्वान गर्नुभएको छ ।
“चीन, सिङ्गापुर, इन्डोनेसिया र एसिया–प्रशान्त क्षेत्रका कम्पनी र साझेदारबीच बढ्दो सहयोग उत्साहजनक भएको उल्लेख गर्दै उहाँले स्मार्ट पूर्वाधार निर्माण मात्र नभइ, विश्वास, ज्ञान र साझा समृद्धि पनि निर्माण गरिरहेको बताउनुभएको छ ।
एसिया र प्रशान्त क्षेत्रका लागि संयुक्त राष्ट्रसङ्घीय आर्थिक तथा सामाजिक आयोगका कार्यकारी सचिव अरमिदा साल्सियाह अलिस्जाहबानाले स्मार्ट यातायात प्रणाली, स्वच्छ ऊर्जा स्रोत, अधिक कुशल व्यापार र सूचना तथा सञ्चार प्रविधिमा लगानीसहित एसडिजीलाई अगाडि बढाउन बृहत्तर क्षेत्रीय सहकार्यका लागि आह्वान गर्नुभएको छ ।
उहाँले यस क्षेत्रको पूरक नवीकरणीय ऊर्जा स्रोत र फरक मागलाई ध्यानमा राख्दै एसिया–प्रशान्त क्षेत्रमा नवीकरणीय ऊर्जाको हिस्सा बढाउन क्रस–बोर्डर पावर–ग्रिड विकास एक प्रमुख रणनीति भएकाले यसबाट निर्यात र आयात गर्ने दुवै देशले लाभ उठाउन सकने बताउनुभएको छ ।
शिखर सम्मेलन एसडीजीलाई गति दिन सडक सञ्जालका लागि दिगो पूर्वाधारमा संयुक्त राष्ट्र ग्लोबल कम्प्याक्ट एक्शन प्लेटफर्म र संयुक्त राष्ट्र ग्लोबल कम्प्याक्ट चाइना अफिसले आयोजना गरेको थियो ।
