जनकपुरधाम। मधेस प्रदेशसभामा आगामी आर्थिक वर्ष २०८३/८४ को प्रदेश विनियोजन विधेयकअन्तर्गत विषयगत मन्त्रालयका बजेट शीर्षकमाथि असार १७ गतेदेखि छलफल हुने भएको छ।
प्रदेशसभाका सभामुख रामअशिष यादवका अनुसार विनियोजन विधेयकमाथिको छलफलका लागि असार १७ गते प्रदेशसभा बैठक आह्वान गर्ने तयारी गरिएको छ।
मधेस प्रदेश सरकारले आगामी आर्थिक वर्ष २०८३/८४ का लागि ४१ अर्ब १३ करोड ८६ लाख रुपैयाँको बजेट प्रस्तुत गरेको छ।
प्रदेशका अर्थमन्त्री युवराज भट्टराईले कृषि नवप्रवर्तन, उद्यमशीलता प्रवर्द्धन, शिक्षा र स्वास्थ्य क्षेत्रलाई प्राथमिकतामा राख्दै उक्त बजेट प्रदेशसभामा प्रस्तुत गरेका थिए।
अब प्रदेशसभामा विषयगत मन्त्रालयका बजेट शीर्षकमाथि छलफल भएपछि विनियोजन विधेयकलाई अगाडि बढाइनेछ।
