आज २०८३ साल वैशाख १७ गते बिहीबारको राशिफल
– ज्योतिष पण्डित सूर्यनाथ लुइटेल
मेष : विरोधी साथी सक्रिय भएकाले व्यवहार गर्दा सचेत बन्नुपर्ने समय छ । व्यवहार गर्दा साथीको पहिचान गर्नुपर्ने समय आएको छ । सञ्चित धन खर्च हुनेछ । हरेक काममा स्वास्थ्यले साथ दिनेछ । दाम्पत्य जीवन सुखमय रहनेछ ।
वृष : दिन सहज छ । साथीभाइसँगको भेटले नयाँ योजना बन्नेछन् । धार्मिक कार्यक्रममा सहभागी हुने अवसर मिल्नेछ । परिवारमा थोरै बोल्नु उचित हुनेछ । दक्षिणको लामो यात्रा नगर्नु राम्रो हुनेछ ।
मिथुन : शुभ दिन छ । बोल्दा भने सचेत बन्नुपर्ने छ । शास्त्रको अध्ययनमा बितेको समय सफल बन्नेछ । व्यापारमा सहकार्य गर्नु उचित हुनेछ । परिवारको साथ र सहयोग प्राप्त हुनेछ ।
कर्कट : दिन सामान्य छ । हरेक काममा अवरोध हुने जोखिम छ । थोरै बोलेर अगाडि बढ्नु उचित हुनेछ । परिवारमा रमाएर बस्ने दिन छ । विपक्षी बलियो भएकाले समझदारी गरेर अगाडि बढ्नुपर्नेछ । परीक्षाको नतिजा राम्रो प्राप्त हुनेछ ।
सिंह : दिन सहज छ । पठनपाठनमा रुची बढ्नेछ । बोली र व्यवहारमा एकरुपता हुन नसक्दा विवाद बढ्नेछ । दाम्पत्य जीवन भने सुखमय रहनेछ । काममा उत्साह बढ्नेछ । व्यापारमा थप मिहेनत गर्नुपर्ने दिन छ ।
कन्या : दिन राम्रो छ । व्यवहार गर्दा मन फुकाएर गर्नुपर्नेछ । शिक्षामा गरेको मिहेनतको फल प्राप्त हुनेछ । स्वास्थ्यमा सुधार हुनेछ । परिवारसँग रमाइलो गर्ने अवसर मिल्नेछ । प्रेम सम्बन्ध सुमधुर बन्ने योग छ ।
तुला : दिन सामान्य छ । खराब साथीसँगको सम्बन्ध तोड्नु उचित हुनेछ । चिट्ठा वा शेयरमा घाटा हुनेछ । परिवारका सदस्यले भन्दा बाहिरका व्यक्तिले सहयोग गर्ने दिन छ । धार्मिक क्षेत्रको भ्रमण गर्न सकेमा मन शान्त बन्नेछ ।
वृश्चिक : दिन सहज छ । महतत्वपूर्ण कुराको निर्णय तपाईं अनुकूल हुनेछ । स्वास्थ्यमा सुधार हुनेछ । प्राविधिक शिक्षामा गरेको लगानीबाट राम्रो नतिजा प्राप्त हुनेछ । विपक्षी साथी सक्रिय भएकाले काम गर्दा सचेत बन्नुपर्नेछ । संकटमा परिवारको साथ मिल्नेछ ।
धनु : दिन राम्रो छ । राज्यको तर्फबाट महत्त्वपूर्ण अवसर प्राप्त हुनेछ । स्वास्थ्यमा समस्या हुने भएकाले सचेत बन्नुपर्ने दिन छ । धन लाभ हुनेछ । व्यापारमा फाइदा हुँदा मनमा उत्साह बढ्नेछ ।
मकर : राजनीतिक क्षेत्रमा अवरोध सिर्जना हुनेछन् । स्वास्थ्यमा सुधार हुनेछ । मन चिन्तित बन्नेछ । शिक्षामा गरेको लगानीबाट फाइदा हुनेछ । परिवारमा थोरै बोलेर अगाडि बढ्नु उचित हुनेछ ।
कुम्भ : दिन राम्रो छ । जन्मकुण्डलीको उच्च ठाउँमा शनि भए प्रगति हुनेछ । लगानीका क्षेत्र सबल रहेका छन् । हरेक काममा साथीभाइको साथ मिल्नेछ । मनमा उत्साह बढ्नेछ ।
मीन : बौद्धिक क्षमता बढ्नेछ । परिवारको सल्लाह लिएर अगाडि बढेमा शिक्षामा गरेको प्रयास सफल र सहज बन्नेछ । धार्मिक कार्यमा सहभागी भएर दिनको सुरुवात गर्नु उचित हुनेछ ।
