एकदमै थोरै पुस्तक मध्ये चार्ल्स डार्बिनको ‘ओरिजिन अफ स्पिसिज’ पुस्तकले पनि हंगामा मच्चाएको छ । उक्त पुस्तकमा चार्ल्स डार्बिनले मनुष्य ईश्वरको सृष्टि नभएर वनमान्छे जस्ता जीवको क्रमशः विकासको परिणाम भएको सिद्धान्त अघि सारे । पुस्तकको प्रकाशनपछि चर्चले उनको अति नै आलोचना ग-यो । उनकी पत्नी कट्टर धार्मिक थिइन् त्यसकारण तिनी पनि उनको विपक्षमा रहिन् ।
बाल्यकालमा डार्बिन पढाइमा त्यति तेजिला थिएनन् । उनी कुनै पनि कुरा छिट्टै बुझ्दैनथे । जन्मजातै प्रतिभा नदेखिएकाले उनले सफलता पाउनका लागि विभिन्न गुणहरुको विकास गर्दै जानुप¥यो । यसका लागि मेहनत, लगन, अरुभन्दा फरक सोच्ने बानी र केही नयाँ गर्ने संकल्पले उनलाई सहयोग ग-यो । पहिला त उनका पिता र हजुरबा जस्तै डाक्टर बन्न चाहन्थे तर पछि चिरफारमा उनको मन लागेन । यसैक्रममा प्राकृतिक अध्ययनमा उनको रुचि थियो ।
दक्षिण अमेरिकी समुद्री किनारमा सर्वेक्षणका लागि जाने बीगल जहाजमा डार्बिनले नेचुरलिष्टको रुपमा पाँच वर्षसम्म समुद्री यात्रा गरे । यात्रा गर्दै जाँदा उनले प्राणी जगत्को सूक्ष्म अवलोकन गरे र उनको मनमा विकासवादी सिद्धान्तको विचार आयो ।
१८४२ मा उनले विकासवादी सिद्धान्तमा ३५ पृष्ठको ड्राफ्ट तयार गरे । उनको सिद्धान्त एक महत्वपूर्ण एवं संवेदनशील विषय भएकोले यसको विरोध हुन्छ भन्ने कुरा उनलाई थाहा थियो । यसकारण उनले हतार गरेनन् । उनले अध्ययन अनुसन्धान र प्रयोग गरे, प्रमाण जुटाए र अन्य वैज्ञानिकहरुसँग पनि सल्लाह लिए । दुई वर्षपछि उनले २ सय ३५ पृष्ठको पुस्तक लेखिसकेका थिए । डार्बिनलाई खाना नपच्ने र अन्य विरामीहरुले सताइरह्यो तर यसको बाबजुद उनी सोह्र वर्षसम्म आफ्नो पुस्तकको तार्किक आधार दह्रो बनाइरहे र यसमा सुधार गरिरहे । ओरिजिन अफ स्पिसिज आखिरमा २४ नोभेम्बर १८५९ मा छापियो । यो यति लोकप्रिय भयो कि १२५० प्रतिको यसको पहिलो संस्करण त्यसै दिन हातहातै बिक्यो ।
साभारः ‘सफलता १०१’ पुस्तकबाट
