काठमाडौँ । दक्षिण भारतीय अभिनेता धनुष र अभिनेत्री नयनताराबीचको विवादमा नयाँ मोड आएको छ ।
मद्रास उच्च अदालतले अभिनेत्री नयनताराविरुद्ध धनुषको प्रतिलिपि अधिकार मुद्दा खारेज गर्न नेटफ्लिक्स इन्डियाको निवेदन खारेज गरेको छ । नयनताराको बारेमा नेटफ्लिक्समा प्रशारित वृत्तचित्रमा धनुषले बनाएको फिल्मको क्लिप उनको सहमति बिना प्रयोग गरेको कारण यो मुद्दा अदालतमा पुगेको हो ।
गत वर्ष नोभेम्बरमा धनुषले नयनतारा, उनका पति विग्नेश शिवन र उनीहरूको प्रोडक्सन हाउस राउडी पिक्चर्स प्रालिविरुद्ध दिवाणी मुद्दा दायर गरेका थिए । मुद्दामा फिल्म निर्माताहरूले नेटफ्लिक्सको ओरिजिनल नयनतारा: बियोन्ड द फेयरी टेलमा धनुषको फिल्म ‘नानुम राउडी धान’ का दृश्यहरू प्रयोग गरेको आरोप लगाइएको छ ।
धनुषको निर्माण कम्पनी वन्डरबार फिल्म्स प्रा.लि.ले पनि लस ग्याटोस प्रोडक्सन सर्भिसेज इन्डिया एलएलपी विरुद्ध मुद्दा हाल्न उच्च अदालतबाट अनुमति माग्दै निवेदन दायर गरेको छ । लस ग्याटोस प्रोडक्सन सर्भिसेज इन्डिया एलएलपी मुम्बईमा आधारित एक संस्था हो जसले भारतमा नेटफ्लिक्सको सामग्री लगानीहरू ह्यान्डल गर्छ ।
धनुषले नयनताराको वृत्तचित्रमा रहेको विवादास्पद सामग्री २४ घण्टा भित्र नहटाएमा कानुनी कारबाही गर्ने चेतावनी दिएपछि यो कानुनी कारबाही गरिएको हो । जबकि, नोभेम्बर १६ मा, नयनताराले धनुषलाई कानुनी सूचना पठाएको र १० करोड रुपैयाँ माग गरेकोमा जवाफ दिएकी थिइन् ।
हालै रिलिज भएको नेटफ्लिक्स वृत्तचित्र ‘नयनथारा: बियोन्ड द फेयरीटेल’ को निर्माणको क्रममा, उनले धनुषसँग उनको २०१५ को फिल्म ‘नानुम राउडी धान’ का दृश्यहरू प्रयोग गर्न अनुमति मागेका थिए । यद्यपि, धनुषले उनीहरूलाई अनुमति दिन अस्वीकार गरे र फिल्मको सेटबाट पर्दा पछाडिको फुटेज प्रयोग गरेकोमा कानुनी कारवाही अगाडी बढाएका थिए ।
