एएनआई, क्याप्टेन जोया अग्रवाल, बोइङ ७७७ विमानको वरिष्ठ एयर इन्डिया पाइलट हुन् र उनी भारतकै पहिलो महिला पाइलट भएकी छिन् जसले लगभग १६००० किमि बरफीलो उत्तरी ध्रुव माथि विमान उडाएकी छिन् । उत्तरी ध्रुव माथि विमान उडान गर्ने पहिलो भारतीय महिला पाइलट का रुपमा जोयालाई अमेरिकास्थित उड्डयन संग्रहालयमा स्थान दिइएको हो ।
२०२१ मा पहिलो पटक, जोया अग्रवालको नेतृत्वमा एयर इन्डियाको सबै महिला पाइलट टोलीले उत्तरी ध्रुवलाई कभर गर्दै संयुक्त राज्य अमेरिकाको सान फ्रान्सिसो (SFO) देखि भारतको बेंगलुरु सहरसम्मको विश्वको सबैभन्दा लामो हवाई मार्ग कभर गरेको थियो ।
अमेरिकास्थित उड्डयन संग्रहालय एयर इन्डियाका सबै महिला पाइलटहरूको उपलब्धिबाट प्रभावित भएर उनीहरूले आफ्नो संग्रहालयमा स्थान प्रस्ताव गरेका हुन। एएनआईसँग कुरा गर्दै क्याप्टेन जोया अग्रवालले सान फ्रान्सिस्को एभिएसन लुइस ए टर्पेन एभिएसन म्युजियममा पाइलटको रूपमा स्थान पाएकी उनी एक्ली मानव भएको जानकारी दिएकी थिइन् । सान फ्रान्सिस्को एभिएसन लुइस ए टर्पेन एभिएसन म्युजियम लाई एसएफओ एभिएसन म्युजियम भनिन्छ।
Photo Source: Babushahi Bureau
