नयाँ दिल्ली— भारतले अफगानिस्तानमा तालिबानले महिलाहरूलाई शिक्षाको अधिकारबाट प्रतिबन्ध लगाएकोमा भारतले आपत्ति जनाएको छ । परराष्ट्र मन्त्रालयका प्रवक्ता अरिन्दम बागचीले तालिबानले विश्वविद्यालयमा महिलाको प्रतिबन्ध गराउनु चिन्ताको विषय भएको बताएका छन् ।
उनले भारतले लगातार अफगानिस्तानमा महिला शिक्षा लागि समर्थन गरेको बताएका छन् । उनले भने, ‘भारतले अफगान नागरिकको अधिकारको सम्मान गर्ने समावेशी र प्रतिनिधि सरकारको स्थापनाको महत्त्वलाई जोड दिइरहेका छौं।’ उनले भारतले महिलाले उच्च शिक्षामा पहुँच सहित अफगान समाजका सबै पक्षहरूमा भाग लिने अधिकार स्थापनाको लागि जोठ दिएको छ ।
ःतालिबानले एक सूचना प्रकाशित गर्दै अफगानिस्तानमा महिला विद्यार्थीहरूको लागि उच्च शिक्षा निलम्बन गर्ने आदेश दिएको टोलो न्यूजले रिपोर्ट गरेको छ। तालिबानको निर्णयको संयुक्त राष्ट्रसंघलगायत अन्तर्राष्ट्रिय समुदायबाट व्यापक निन्दा भएको छ।
संयुक्त राष्ट्रसंघका महासचिव एन्टोनियो गुटेरेसले तालिबानले विश्वविद्यालयमा महिलामाथि लगाएको प्रतिबन्धबाट चिन्तित भएको बताएका छन्। संयुक्त राष्ट्रका महासचिवका प्रवक्ता स्टेफेन डुजारिकले गुटेरेसले तालिबानलाई महिला र केटीहरूको सबै तहमा शिक्षामा समान पहुँच सुनिश्चित गर्न आह्वान गरेको बताए।
महासचिव गुटेरेसले तालिबानले महिलालाई शिक्षामा प्रतिबन्ध लगाउनुले महिला र केटीहरूको समान अधिकारको उल्लङ्घन मात्र नभई देशको भविष्यमा समेत असर पार्ने बताए ।
