पोखरा, १३ पुस । जिल्ला समन्वय समिति कास्कीका प्रमुख लीलाधर पौडेलले उद्योगी व्यावसायी र सरकारी निकायहरूले श्रमिकको सुरक्षाको बिषयलाई आफ्नो पहिलो शर्त र प्राथमिकतामा राख्नु पर्ने बताएका छ्न। देश बिकास र समृद्धिमा महत्त्वपूर्ण भूमिका खेल्ने श्रमिकहरू उत्पादन र निर्माणका मेरुदण्डको रूपमा रहेको हुँदा उनीहरुको हक र सामाजिक सुरक्षामा बनेका नीति नियमलाइ कडाइका साथ ब्यवहारमा उतार्नु पर्नेमा जोड दिए।
यसअघि जारी भएका सामाजिक सुरक्षा ऐन लगाएत सम्पूर्ण नियमको नियगमन र प्रभाबकारी कार्यान्वयनमा रोजगारदाताहरूलाई ध्यानाकर्षण गराउदै राज्यका तीन तहका सरकारले विशेष ध्यान दिनुपर्ने उल्लेख गरे। पौडेललेले सो कुरा ब्यवसायजन्य सुरक्षा तथा स्वास्थ्य केन्द्र सैबु भैसेपाटी ललितपुरको आयोजना र श्रम तथा रोजगार कार्यालय पोखराको समन्वयमा पोखराका उद्योग प्रतिष्ठानहरूमा कार्यरत श्रमिकहरूका लागि व्यवसायजन्य सुरक्षा तथा स्वास्थ्य संबन्धित चार दिने सचेतनामुलक तालिमको बुधबार उद्घाटन गर्दै बताएका हुन ।
उक्त तालिम श्रमिकको सुरक्षा र स्वास्थ्यका बारेमा सुसूचित गराउन महत्वपूर्ण हुने विश्वास ब्यक्त गरे। कार्यक्रममा श्रम तथा रोजगार कार्यालय पोखरामा कार्यालय प्रमुख वरिष्ठ श्रम अधिकृत सुरेश ढकाल , पोखरा औधोगिक क्षेत्र ब्यबस्थापन कार्यालका प्रमुख किशोर पाण्डे , सो औधोगिक क्षेत्र उद्योग संघका प्रथम उपाध्यक्ष रुद्र लाल श्रेष्ठ ,कार्यक्रम संयोजक यमन राना ,लगाएतले मन्तव्य व्यक्त गरेका थिए।
चार दिन सम्म चल्ने सो तालिममा पोखराका विभिन्न उद्योग प्रतिष्ठानहरूमा कार्यरत व्यावसायिक ब्यक्तित्व एबम श्रमिकहरूलाई पेशागत सुरक्षा र स्वास्थ ,कार्यस्थलमा हुने जोखिम र त्यसको न्यूनीकरणमा आबश्यक उपाय ,कार्यस्थलमा हुन सक्ने लागू औषध र लैङ्िगक हिंसा ,सुरक्षा उपकरण ,आकस्मिक तयारी ,श्रम ऐन तथा नियमावली संम्बन्धी कानुनी ब्यबस्था लगाएका बिषयमा प्रशिक्षण प्रदान गरिने बताइएको छ। ब्यबसायजन्य सुरक्षा तथा स्वास्थ्य केन्द्र सैबु भैसेपाटी ललितपुरका रसायनबिज्ञ सतिश कुमार उपाध्यायको अध्यक्षतामा कार्यक्रम सम्पन्न भएको थियो।
