आफ्ना छोराछोरीलाई खाना खुवाउन अभिभावकहरूले प्रायः मोबाइल फोनको सहारा लिन्छन्।
यदि तपाईं पनि आफ्नो बच्चालाई खाना खुवाउँदा त्यस्तै गर्नुहुन्छ भने सावधानी अपनाउनु जरूरी छ।
किनकी माेबाइलकाे धेरै स्क्रिन हेर्दा बच्चामा गेमिङकाे लत पनि बढ्दै जान्छ। त्यसाे हुँदा माेबाइलले बालबालिकाको स्वास्थ्यमा साइड इफेक्ट गर्छ।
मानसिक स्वास्थ्यमा नकारात्मक
सधैं गेम खेल्दा तपाईंको बच्चाको मानसिक स्वास्थ्यमा नराम्रो असर पर्न सक्छ। यति मात्र होइन, गेमिङको लतका कारण बच्चा चिडचिडा हुन थाल्छ।
खेल खेल्नुबाहेक बच्चाले अन्य गतिविधिमा ध्यान दिन सक्दैन। यसबाहेक स्क्रिनको अत्यधिक प्रयोगले बच्चाको आँखामा पनि प्रतिकूल असर पार्न सक्छ।
शारीरिक स्वास्थ्य बिग्रन्छ
यदि तपाईंको बच्चा सधैं फोनमा गेम खेलिरहन्छ भने उसको शारीरिक स्वास्थ्य बिस्तारै कमजोर हुँदै जान्छ। गेमिङको लतका कारण सानै उमेरमा बच्चाको मुद्रा बिग्रन्छ।
स्क्रिनको अत्यधिक प्रयोगले केही रोग लाग्ने सम्भावना पनि बढाउँछ। यदि तपाईं आफ्नो बच्चाको शारीरिक र मानसिक स्वास्थ्यलाई बलियो राख्न चाहनुहुन्छ भने, सकेसम्म चाँडो आफ्नो बच्चाको गेमिङ लतबाट छुटकारा पाउन प्रयास सुरु गर्नुहोस्।
माेबाइलबाट बच्चालाई कसरी टाढा राख्ने?
बच्चालाई माेबाइलबाट टाढा राख्नका लागि गेममा पासवर्ड राख्नुपर्छ ताकि बच्चाले सधैं गेम खेल्न नपरोस्। यदी दिने नै हाे भने केही समयकाे लागि मात्र खेल्न दिनुपर्छ।
यसका अलावा तपाईंले बालबालिकालाई हिंसात्मक खेलबाट टाढा राख्नु पर्छ अन्यथा तपाईंको बच्चाको व्यक्तित्व पनि क्रोधित हुनेछ।
तपाईंले आफ्नो बच्चालाई बाहिरी खेल खेल्न उत्प्रेरित गरिरहनुपर्छ ताकि उसले भिडियो गेम खेल्ने समय पाउन नपरोस्।
