सर रोजर बेनिस्टर ब्रिटेनका डाक्टर हुन्, तर इतिहासमा उनको नाम धावकको रुपमा अमर छ । ६ मे १९५४ मा बैनिस्टरले एक मीलको दौड ३ मिनेट ५९.४ सेकेन्डमा पूरा गरेर विश्व रेकर्ड बनाए । उनको महान उपलब्धीको लागि उनलाई सर को उपाधिबाट विभूषित गरियो ।
आखिर बेनिस्टरले यो रेकर्ड बनाएर यस्तो कस्तो काम गरेका थिए, जसको कारणले उनको नाम अमर भयो ? खासमा उनले असम्भव देखिने कामलाई सम्भव गरिदिएका थिए । शताब्दीदेखि मानिसहरुको यो विश्वास थियो कि चार मिनेट भन्दा कम समयमा एक मील दौडनु कुनै पनि व्यक्तिका लागि सम्भव थिएन । विशेषज्ञहरुले ठोकुवा गरे कि मानिसहरुका यति तेज दौडिन सक्ने शक्ति हुँदैन । सबैले यही ठानेका थिए कि कोही पनि चार मिनेटभन्दा कम समयमा एक मील दौडन सक्दैन ।
तब रोजर बेनिस्टरले यो साबित गरिदिए कि डाक्टर प्रशिक्षक र उनीभन्दा पहिलो दौड्ने लाखौँ धावक, सबै गलत थिए र सबैभन्दा अचम्मको कुरा यो थियो कि रोजर बैनिस्टरद्वारा चार मिनेटमा एक मील दौडिने मानसिक अवरोधलाई तोडेको दुई महिनापछि नै अर्का धावकले उनको रकेर्डलाई तोडे र अर्काे वर्ष त सैँतीस धावकहरुले यो काम गरे । बैनिस्टरले मात्र चार मिनेटको अवरोधलाई तोडेका थिएनन्, बरु उनले शताब्दीऔँ देखि चलिआएको मानसिक अवरोधलाई पनि तोडेका थिए ।
सर रोजर बैनिस्टरको यस प्रशंगबाट यो साबित हुन्छ कि जबसम्म हामी कुनै कामलाई असम्भव ठान्दछौँ, तबसम्म त्यसलाई गर्न सम्भव हुँदैन । त्यो तब मात्र असम्भव हुन्छ, जब हामी त्यसलाई संभव ठान्दछौँ ।
साभारः ‘सफलता’ पुस्तकबाट
