पोखरा २८ मंसिर । डेभिज फल्स ड्राइभिङ स्कुल एण्ड प्रिटेष्ट प्रालिले कास्की क्षेत्र नम्बर ३ ख बाट बिजयी प्रकाश बराललाई बधाइ तथा सम्मान गरेको छ । ड्राइभिङ स्कुलका सल्लाहकार समेत रहेका बराललाई आज एक कार्यक्रमका बीच सम्मान गरिएको हो । कार्यक्रममा प्रमुख अतिथि नन्द प्रसाद आचार्य, ड्राइभिङका कानुनी सल्लाहकार खगराज आचार्ज, ड्राइभिङ स्कुलका अध्यक्ष तुलबहादुर ठकुरी लगायतले अबिर, खादा र सम्मान पत्रसहित सम्मान गर्नुभएको थियो ।
सो अवसरमा वोल्दै कार्यक्रमका प्रमुख अतिथि नन्द प्रसाद आचार्यले जनताको मतको कदर गरी समग्र गण्डकी प्रदेशको बिकास निर्माणमा अगाडि बढ्न नव निर्वाचित सांसद बराललाई आग्रह गर्नुभयो । त्यस्तै कास्की क्षेत्र नम्बर ३ ख बाट काँग्रेसको तर्फबाट बिजयी सांसद तथा सम्मानित ब्याक्तित्व प्रकाश बरालले आफुहरु प्रदेशको नीति निर्माणको तहमा पुगेपनि नीति निर्माणसंगै आफ्नो निर्वाचन क्षेत्रको समग्र बिकासको पक्षमा लाग्ने वताउनुभयो ।
आफ्नो निर्वाचन क्षेत्र पोखरा महानगरपलिकाको वडा नम्बर ५ देखि कास्कीको माछापुच्छ«े हिमालको फेदी सम्म पर्ने भएकाले निर्वाचनका बेला जनताको घरमा पुगेर दिएको आश्वसनलाई ब्यवहारमा लागु गर्ने र अहिले निर्वाचित भएर बधाइ थाप्ने र अवको पांच वर्ष जनताले सम्मान गर्ने गरी काम गर्ने वताउनुभयो ।
अहिले गाउँका दुर दराजमा सडक, खानेपानी जस्ता बिकासका कामहरु भइरहेको भएतापनि अझैपनि नीतिगत रुपमा समग्र क्षेत्रको बिकास हुन नसक्दा जनताले जतासुकै समस्या झेल्नुपरेको आफूले नजिकबाट नियालेका आगामि ५ वर्षमा नितिगत रुपमै जनताले सुख अनुभूति हुने गरी काम गरेर देखाउने उहांको भनाइ रहेको थियो । कानुनी सल्लाहकार खगराज आचार्यले जनताको सामु गरेका बाचालाई पुरा गर्ने गरी र राजनैतिक स्वार्थभन्दा माथी रहेर कास्की क्षेत्र नम्बर ३ को जनताको पक्षमा काम गर्न आग्रह गर्नुभयो ।
सो अवसरमा वोल्दै डेभिजफल्स ड्राइभिङ स्कुल तथा प्रिटेस्ट सेन्टरका अध्यक्ष तुल बहादुर ठकुरीले नव निर्वाचित प्रदेश सभा सदस्य प्रकाश वरालको उज्जवल भविष्यको कामना गर्दै जनताको सुख दुखमा हातमा हात साथमा साथ दिएर काम गर्न आग्रह गर्नुभयो । ड्राइभिङ स्कुलका सचिव दिपेन्द्र बहादुर आचार्यले सञ्चालन गर्नुभएको कार्यक्रममा तीर्थराज आचार्यले स्वागत मन्तब्य राख्नुभएको थियो ।
