काठमाडौंको ठमेलमा ठडिएको आलिसान छायाँ देवि सेन्टर भएको ठाउँमा सय वर्ष अघि ऐतिहासकि कमलपोखरी भएको तथ्य फेला परेको छ । प्राप्त प्रमाणहरुले सय वर्ष अघिको कमपोखरीलाई केयुरशमशेरका छोराछोरी र आफन्तहरु मिलेर नेपाल सरकारको नाउँमा कायम भएको कमल पोखरी, पोखरीको डिल र बगैंचाको प्रमाण नष्ट गर्दै सरकारी जग्गा किनबेच गर्दै आएको तथ्य फेला परेको हो ।
केयुरशमशेरको पारिवारिक सदस्य र आफन्तका बीच किनबेच हुँदै आएको कमलपोखरीको जग्गालाई पछि बैंकर पृथ्वीबहादुर पाण्डेले २०६५ सालमा अम्बिका राणा र शंकरप्रसाद शाहबाट खरिद गरेका थिए । २०७० सालमा कमलपोखरीको जग्गामा आफ्नी आमाको नाममा छायादेवी कंम्पलेक्स बनाएर पाण्डेले २०७५ सालदेखि छायाँ सेन्टर सञ्चालनमा ल्याएका हुन ।
बैंकर पाण्डेले गुठिको जग्गा जालसाजी गरी आफ्नी आमा छायादेवीको नाउँमा व्यापारिक कम्प्लेक्स बनाएको भन्दै अहिले विभिन्न अभियान्ताहरुले त्यसविरुद्धमा आवाज उठाइरहेका छन् । बैंकर पृथ्वीबहादुर पाण्डे लगायतले सत्ता र शक्तिको आडमा व्यापारिक सामराज्य फैलाएको संघर्षरत समितिको भनाई छ । केशरशरशेरको पाला सम्म कमलपोखरी रहेको ठाउँमा त्यसपछिका पुस्ताले सत्ता र शक्तिलाई प्रभावमा पारेर कमलपोखरीलाई नीजिकरण गरेको पुष्टि प्राप्त भएका मालपोत, नगरपालिका र अदालतका कागजातले समेत स्पष्ट देखाउछ ।
वि.स. १९७६ सालसम्म पोखरीको स्याहारसुसार’ दयगत अभिलेखमा उल्लेख भएकोमा त्यसपछिका अभिलेखले पोखरी हडप्न थालिएको देखाएको छ । कमलपोखरीलाई कमलपोखरीकै रुपमा पुर्नस्थापना गर्नु पर्ने भन्दै आन्दोलनरत पक्षले छायाँ देवि सेन्टर बनाउँुन अघि बैंकर पाण्डेलाई सचेत गराएका थिए भने त्यसपछि भवन उद्घाटन हुने बेलामा समेत, आफ्नो धार्मीक आस्थामाथी प्रहार नगर्न आग्रह गर्दै आएका थिए ।
तर सत्ता र शक्तिको आडमा सबैलाई औंलामा घुमाउछु भन्ने पाण्डेले स्थानीयको बोलीलाई दबाउदै २०७५ सालमा छायाँ देवि सेन्टरको उद्घाटन गरिछाडे । सिगो ठमेललाई नै छायाँ सेन्टरमा सिमित गर्ने उद्देश्यले अहिले यहाँ सिनेमा हल सहित अन्य मनोरञ्जनका सामाग्री, होटल,फेन्सी लगायतका कुराले भरीभराउ गरिएको छ ।
बैंकर पाण्डेले गुठिको जग्गा जालसाजी गरी आफ्नी आमा छायादेवीको नाउँमा व्यापारिक कम्प्लेक्स बनाएको भन्दै अहिले विभिन्न अभियान्ताहरुले त्यसविरुद्धमा आवाज उठाइरहेका छन भने संसदमा पनि यस विषयमा बारम्बार प्रश्न उठिरहेको छ । सार्वजनिक भएका विवरण, प्रमाणहरुले छायाँ देवि सेन्टर भएको सरकारी जग्गालाई सरकारी काजगत किर्ते गरेर व्यक्तिको नाममा नामसारी गरेको प्रष्ट देखिन्छ ।
